NLW MS. Llanstephan 27 (The Red Book of Talgarth) – page 22v
Ystoria Lucidar
22v
1
Pob ryỽ gyfoeth a|golut a gaffant. kanys yno y gossodir ỽy
2
yn ỻewenyd yr arglỽyd yn ueiri. ac yn uedyannussyeit ar yr
3
hoỻ da. a ỻyna drythyỻỽch y|seint. discipulus O Jechyt y|seint. Magister Jech+
4
yt moẏsen. nychtaỽt uydei hynny yno. kanys eu hiechyt ỽy
5
a|vyd y gan yr arglỽyd. a|phei profit eu taraỽ. neu eu brath+
6
u a|heyrn ỻifyeit. ny bydei vỽy udunt ỽy hynny. noc yr
7
aỽrhonn y baladyr yr|heul. a|ỻyna y ryỽ iechyt yỽ vn y seint.
8
discipulus O hoedyl y seint. Magister Hirhoedyl matusalem a|vydei yno mal
9
hir nychtaỽt angeu. kanys angeu a ffy racdunt ỽy. a|ỻyna
10
y ryỽ hirhoedyl a gaffant ỽy yn medu treftadaỽl hoedyl o an+
11
niffygedic uuched. a|ỻyna daoed y gorff ef. Magister|Megys ffynna ̷+
12
ỽn o dỽfyr melys yn dadebru ỻauurwyr sychedic. ueỻy y ma+
13
e geiryeu dy eneu bendigeit yn ỻonydu vy eneit i. discipulus Am doeth+
14
ineb y seint. Magister Doethineb selyf. ynvytrỽyd vydei hynny y
15
ganthunt ỽy. amyl doethineb yssyd ganthunt ỽy yn|diogel.
16
kanys ỽynt a|wybydant bop gỽybot. a phob kymhendaỽt o
17
duỽ. y gỽr yssyd fynnaỽn y bop doethineb. wynt a|wybydant
18
bop peth o|r a|vu ac yssyd ac a|vyd rac ỻaỽ. Wynt a|wybydant
19
aruer pob dyn o|r a|vo yn|y nef neu yn|y daear neu yn uffern
20
o|e henweu a|e kenedyloed a|e gỽeithretoed nac yn da nac yn
21
drỽc y gỽnaethant ac nyt oes dim a aỻo ymgelu racdunt
22
kanys ỽynt a|welant bop peth yn heul y|wirioned. discipulus Och
23
meint o dagreuoed truein y mae ffynnaỽn dy huolder di
24
yn kymeỻ arnaf|i eu goỻỽng. A|wybyd yr holl seint a|wnev+
25
thum i yma. Magister Nyt kymeint ac a|wnaethost di dy hunan
26
a|wybydant ỽy. namyn a vedylyeist ac a|dywedeist na thi
27
nac araỻ. nac yn|da nac yn drỽc y bo ỽynt a|e gỽyby˄dant
| « p 22r | p 23r » |