NLW MS. Llanstephan 27 (The Red Book of Talgarth) – page 6v
Ystoria Lucidar
6v
O achaỽs kenuigen. kanys kynghoruynt vu ganthaỽ ef
dyuot dyn ar yr|enryded y dygỽydaỽd ef o·honaỽ drỽy valch ̷+
der. discipulus Drỽy ba fford y kafas ef y brofi. Magister Drỽy syberỽyt.
kanys dyn a|vynnaỽd vot yn|y briaỽt vedyant e|hun. a|dyỽ+
edut ual|hynn yn|y amylder. ny|m|kyffroir i vyth. discipulus Paham
y gadaỽd duỽ y brofi ef. ac ynteu yn gỽybot y goruydit ar+
naỽ. Magister Am wybot meint a|wnaei o da o|e bechaỽt ef. discipulus A dywaỽt
y sarff. Magister Na dywaỽt. diaỽl hagen a|dywaỽt ỽrth y sarff me+
gys y dyweit hediỽ drỽy dyn a|gaffo craff arnaỽ. ac ual y dyỽ+
aỽt yr angel drỽy yr assen. megys y gỽypynt beth a|geinyei*
y geiryeu hynny drỽydynt ỽy. discipulus Paham drỽy y sarff. Magister Am y
vot yn aniueil troedic ỻithric. a diaỽl a|wna y neb a dwyllo
yn droedic o dwyỻ ac yn ỻithric o odineb. discipulus A vu wybot drỽc
a|da yn yr vn aual. Magister Na vu yn|yr aual. namyn yn|yr anghyf+
reith. kanys kynn pechaỽt y gỽybu dyn a|da a|drỽc. da drỽy
y brofi. drỽc drỽy y wybot. discipulus A enit dynyon drỽc ym|paradw+
ys. Magister Na enit o·nyt yr etholedigyon e|hunein. discipulus Paham
ynteu y genir rei drỽc yr aỽrhonn. Magister O achaỽs yr etholedigy+
on y lauuryaỽ ac y brofi drỽydunt ỽy. megys y profir yr eur
yn|y ffỽrneis. discipulus Pa hyt y buant ỽy ym|paradwys. Magister Seith a+
ỽr. discipulus Paham na buant ỽy hỽy no hynny yno. Magister Kanys yn|y
ỻe gỽedy gỽneuthur gỽreic y troes hi ar gam. discipulus Pa aỽr y
gỽnaethpỽyt dyn. Magister Yn|y dryded aỽr y gỽnaethpỽyt dyn. ac yd
enwit. yr hoỻ aniueilyeit. ac yn|y chwechet aỽr y gỽnaethpỽ+
yt gỽreic. ac yn|y ỻe y kymerth hi yr aual gỽahardedic. ac yd
estynnaỽd angeu o|e gỽr. ac yr angeu idaỽ y bỽytaaỽd. ac yn|y
seithuet aỽr yn diannot y gyrraỽd yr arglỽyd ỽynt o baradwys.
discipulus Pa beth vu cherubyn a|r cledyf tan yn|y laỽ. Magister Y cledyf yỽ mur
| « p 6r | p 7r » |