NLW MS. Llanstephan 27 (The Red Book of Talgarth) – page 97r
Mabinogi Iesu Grist
97r
1
ny digaỽn ef pressỽylyaỽ yn an plith ni. neu dysc di efo
2
y vendigaỽ yn meibyon ni heb eu hemeỻdigaỽ. a Joseph
3
yna a|dynessaaỽd att iessu ac a|dywaỽt ỽrthaỽ. paham y
4
gỽney y ryỽ betheu hynn. y mae ỻawer yn|doluryaỽ ỽrth+
5
yt. ac o|th achaỽs y maent y|n cassau ninneu. ac yd|ym
6
yn|diodef ỻawer o volest gan y bobyl o|th achaỽs di. A
7
Jessu a attebaỽd ioseph yna. ac a|dywaỽt. Nyt oes vn mab
8
kymen o·nyt megys y|dengys eu tat udunt herỽyd kel+
9
uydyt yr amser hỽnnỽ. a|m tat inneu nyt emeỻdicka
10
neb o·nyt a|wnel y drỽc. Yna yd ymgynnuỻassant paỽb
11
yn erbyn Jessu y guhudaỽ ỽrth ioseph. a phan|weles Jo+
12
seph hynny. diruaỽr ovyn a gymerth rac pobyl yr isra+
13
el. Sef a|wnaeth iessu yna pan weles Joseph yn tristau.
14
kymryt y mab marỽ herỽyd y glust deheu. a|e dyrchafel
15
y ỽrth y daear. a phan welsant ỽy iessu yn ymdidan a|r mab
16
marỽ gỽedy hynny y yspryt a|gyuodes yn|y mab. ac yn
17
vyỽ yd ymchoelaỽd. a|ryuedu a|oruc yr|hoỻ bobyl am hynny.
18
Y N yr amser hỽnnỽ yd oed nebun athro zachias
19
oed y enỽ. clybot a|wnaeth ef iessu yn dywedut kyf+
20
ryỽ eiryeu herỽyd y tebygei ef vot yndaỽ anorchyfe+
21
dic doethineb a nerth. a|dolur y geireu yn andysgedic
22
yn erbyn Joseph. a dywedut ual|hynn ỽrthaỽ. Paham heb
23
ef na rody di dy uab att nebun athro o|e dysgu herỽyd dy+
24
naỽl dysc. ỽrth hynny diogel yỽ bot yn weỻ yỽch ot gỽnn
25
dysgu aỽch mab. no|e adel y vredychu hyneif y bobyl. Reit
26
vyd y chỽi enrydedu offeireit y demyl. a phroffỽydi yr isra+
27
el. a|chymryt echwyn y·ryngthunt. Ac ueỻy y megir y+
| « p 96v | p 97v » |