NLW MS. Peniarth 11 – page 41r
Ystoriau Saint Greal
41r
y linyeu. a|gỽediaỽ duỽ. Ac ueỻy myỽn gỽedieu y bu ef yny
vu dyd eglur. Ac yna peredur a|gyuodes y uyny y edrych pa|vyt
yd oed yndaỽ. kanys yr oed ef yn|tybyeit y|r|gỽas drỽc y|dỽyn
ym|peỻ. Ac ef a|weles y vot y myỽn creicvynyd uchel vchbenn
y mor. a|r mor o bop parth idaỽ. ac ny welei yn yr ynys honno
neb ryỽ gyuanned. ac yr hynny nyt yttoed ef e|hun. canys ef
a|welei lawer o eirth a|ỻewot a seirff. a dreigyeu tanỻyt. Ac y ̷
veỻy nyt oed esmỽyth ganthaỽ y gyflỽr pan weles hynny. ka+
nys ef a|wydyat na|s gedynt ỽy efo yno yn hedỽch. Eissyoes
y gỽr a|gadwaỽd Jonas ym moly y moruarch. ac a Jachaaỽd
daniel yn ffos y seith ỻew a vu wir daryan idaỽ ef. ac a|e ham+
diffynnaỽd. A phan yttoed ef ueỻy ef a|welei sarff yn kyrchu
y|r|greic attaỽ. a|ỻeỽ bychan ym|penn y|sarff. ac yn|y hol hitheu ef
a|welei ỻeỽ cryf kadarn yn|dyuot. a|r ỻeuein a|r govit mỽyaf
ganthaỽ am y|ỻeỽ bychan. Sef a|wnaeth peredur yna ker+
det yn eu|hol. a|phan|doeth ef attunt ỽy yd oed y ỻeỽ a|r sarff
yn ymlad. Ac yna ef a vedylyaỽd yr ai ef y gymhorth y ỻeỽ
a|thynnu y gledyf a|oruc ef. a|gossot y daryan o|e vlaen. a|roi
dyrnodeu trymyon idi yngkylch y penn a|r clusteu. A hitheu
yn|taflu y|tan o|e safyn ac o|e ffroeneu yn gymeint ac yny los+
ges y|daryan a|e daryan a|e luryc o|r tu racdaỽ oỻ. A|phan
weles ynteu hynny ny bu hoff na da ganthaỽ rac ofyn kyhỽrd
y tan a|r gỽenỽyn a|e gorff. ac yna ef a|vynnaỽd duỽ idaỽ ta+
raỽ y|sarff yn|y|ỻe y traỽssei kyn|no hynny ym|perued y phenn
yny syrth yn varw y|r ỻaỽr. Pan weles y ỻeỽ y vot gỽedy ym+
rydhau y ỽrth y sarff. ef a|redaỽd att peredur ac nyt ymladaỽd
| « p 40v | p 41v » |