NLW MS. Peniarth 18 – page 63r
Brut y Tywysogion
63r
odyno yn gyfun y|kyrchassant dreftraeth. Ac y
briỽassant y castell. Ac odyno y kymerassant va+
redud ap yỽein ygyt ac ỽynt. Ac y|kyrchassant
ros. Ac y|llosgassant oll eithyr haỽlfford. Ac o+
dyna yd hỽylassant y|ỽlat vorgant. A gỽedy y
goresgyn a|chael y castell llann genev yd ymho+
elassant adref ỽedy llad llaỽer a|dala ereill. Ac
yna y bu varỽ maelgỽn ieuanc. Ac y|cladỽyt
yg|kabidyldy y|myneich yn ystrat|flur. Y|ulỽyd+
dyn honno am·gylch gỽyl veir yn aỽst y|doeth
henri vrenhin a|llu maỽr gantaỽ hyt yn dyga+
nỽy. Ac yno y|trigyaỽd hyt ỽyl ueir ymedi. Ac
yna yd ymhoelaỽd y|loegyr. Yn|yr amser hỽnnỽ
y|llosges eglỽys lann padarnn vaỽr. Ac y|kymy+
daỽd llywelyn ap grufud. a grufud ap madaỽc. Ac y|gyrraỽd grufud ap
gỽenỽynỽyn ar dehol o|e gyuoeth. Y|ulỽydyn rac+
ỽyneb y|rodes kynnulleitua o|dylyedogyon kymry
lu ffydlonder y lyỽelyn ap grufud dan boen ysgymun+
daỽt. Ac ny chetỽis maredud ap rys y|llỽ hỽnnỽ.
namyn mynet yn|y erbyn yn agkyỽir. Y|vlỽydyn
honno y|bu teruysc yn lloeger rỽg yr estronyon
amgylch gỽyl ieuan vedyddỽr. Y|ulỽydyn honno
yd|aeth ddauid ap grufud. A maredud ap yỽein. A rys vy+
chan ap rys mechyll y ymdidan |
a|meredud ap rys. Ac a|phadric dysaỽs synyscal
y brenhin yg|kaer vyrdyn. hyt yn emlyn pann
| « p 62v | p 63v » |