NLW MS. Peniarth 190 – page 114
Ystoria Lucidar
114
y gỽelant ỽynteu. a|r germein truanaf gan+
thunt yn udaỽ ac yn wylaỽ. ac yn ymffust.
Y naỽuet boen yỽ kadỽyneu tanỻyt yn
rỽymaỽ yr hoỻ aelodeu. discipulus|Paham y diodef+
ant ỽy y saỽl drueni hynny. Magister Am weỻygy+
aỽ o·honunt yng|kedymdeithas naỽrad yr
engylyon. kyuyaỽn oed eu poeni ỽynteu
o|r kyfryỽ naỽ poen hynny. kanys y rei a
ymlosgassant yman o|dan cam chwant
Jaỽn yỽ eu ỻosgi ỽynteu yn|y tan hỽnnỽ.
a|r neb a sychaỽd yman o oeruel drycyo+
ni Jaỽn yỽ eu cryuachu ỽynteu yno o
boenedic oeruel. kanys ef a dywedir y byd
kyn wynnet. pan del odieithyr gỽres y|tan
a|r haearn yn yr aelỽyt. ac yn rewi o vy+
ỽn megys pibonỽy neu iaen y gaeaf.
ual y dywedir. Wynt a gerdant o dyfred
gormod y wres ormod. A|r neb y bu kyng+
horuynt a chas ganthunt yman megys
pryfet yn cnoi. dylyedus yỽ bot pryfet
yn eu knoi ỽynteu yno. ac ˄am na|mynnassant
ỽy gymryt yman. namyn trigyaỽ yng
| « p 113 | p 115 » |