NLW MS. Peniarth 190 – page 145
Ystoria Lucidar
145
sipio y gỽyr ny mynnei yr un o·honunt
o·nyt a* nyt* a|vynnei y ỻaỻ. discipulus Owi o|r|duun+
deb hỽnnỽ. Magister Beth y·gyt a|hynny pei|bydut
kyn|gyuoethocket ac y bu alexander maỽr
y|gỽr a|oresgynnaỽd yr assia a|r affrica. ac eu+
ropa. discipulus|Owi o|r goruchelder. Magister Beth y·gyt
a|hynny oỻ pei kymeint dy enryded di y
gan baỽp. ac y bu Josep y gan wyr yr eifft.
y gỽr a|adolassant ỽy megys pei duỽ vei.
discipulus Owi o|r parch. Magister Beth y·gyt a|hynny oỻ
pei bydut mor dioual ac elẏ ac enoc. y gỽyr
yssyd yn eu kyrff a|e heneideu ym|paradw+
ys. discipulus Owi duỽ o|r maỽredigrỽyd hỽnnỽ. Magister
Beth y·gyt a|hynny pei bydei ytt gedymdeith
a|garut yn gymeint a|thy|hun. ac ynteu
y|th garu ditheu veỻy. ac yn gyuoethaỽc
o bop parth. pony bydei deu·dyblic y caryat
hỽnnỽ. discipulus Owi o|r diruaỽr lewenyd. Magister Beth
betuei ytti lawer o gedymdeithon. yn vn
ffunyt ac y dywetpỽyt uchot. pony bydei
ytti y geniuer ỻewenyd. discipulus Owi o|r digrifỽch.
kyn digrifet yỽ gennyf|i dy ymadraỽd di
| « p 144 | p 146 » |