Breudwd Welsh Prose 1300-1425
Cymraeg

NLW MS. Peniarth 31 – page 15v

Llyfr Blegywryd

15v

dỽyn bỽyt a llyn o|r gegin ac o|r uedgell parth
ar neuad; ny diwygir idaỽ.
RJghyll a geiff y tir yn ryd. Ac y rỽng y dỽy
golofyn y seif tra uo yr arglỽyd ar y uỽyt.
kanys ef a dyly goglyt y neuad rac y tan yna.
A guedy bỽyt ysset ynteu gyt ar guassanaeth+
wyr. A guedy hynny nac eistedet ac na thraỽet
y post nessaf yr brenhin. Guiraỽt kyfreithaỽl
a geiff. nyt amgen lloneit y llestri y guollofyer
ac ỽynt o|r cỽrỽf. Ac eu hanher o|r bragaỽt. Ac
eu trayan o|r med. Ef a geiff coysgyn pop eidon
a lather yn|y gegin y wneuthur kuaraneu id+
aỽ. ny bydant uch no hyt y uffarned y traet.
Naỽ·uetdyd kyn kalan gayaf y keiff peis a
chrys a chapan. A their llath o hein* o pen y e+
lin hyt ym pen y bys perued y wneuthur llaỽ+
dỽr idaỽ. Ny byd hyt yn|y dillat namyn is
pen y lin ỽrth cỽlym y laỽdỽr. Kalan maỽrth
y keiff peis a mantell a chrys a llaỽdỽr. Pen+
guỽch hagen a geiff yn|y tri amser. Ef a ran
yt y tayaỽc ffoaỽdyr a|e varỽ·ty y rỽng y bren+
hin ar maer ar kyghellaỽr. ynteu a geiff yr
ysgub a uo dros pen ỽrth y ran. Righill a geiff
o|r marỽ·ty yr emenyn bỽlch ar mehin bỽlch