NLW MS. Peniarth 31 – page 27r
Llyfr Blegywryd
27r
Diuỽyn dirỽy treis morỽyn yỽ guialen ar+
yant a|ffiol eur a chlaỽr eur mal y dywespỽyt
am eu messureu yn diuỽyn sarhaet brenhin.
Diuỽyn dirỽy ymlad yỽ deu·deg|mu. Diuỽyn
dirỽy letrat yỽ. kyssỽynaỽ lletrat ar dyn a gỽa+
du o·honaỽ yn da ar y tauaỽt. A gossot reith
arnaỽ a|e phallu. lleidyr kyuadef kan pallỽys
y reith. Guiryon o|e pen e|hunan a|e tauaỽt. ny
delit dim yn|y laỽ. ny chaffat dim gantaỽ. de+
u·deg|mu dirỽy arnaỽ.
TEir rỽyt brenhin ynt; y teulu. ac allwe+
st y veirch. a|e preidoyd gỽarthec. pedeir
keinhaỽc kyfreith a geiff y brenhin o pop eidon
a gaffer ym plith y warthec. Ac uelly o pop ma+
rch a gaffer ym plith y ueirch. Teir rỽyt bre+
yr ynt; Allwest y veirch. a|e preid warthec. a|e
genuein voch. O pop llỽdyn a gaffer yn eu
plith; oc eu kyfryỽ. pedeir keinhaỽc kyfreith
a geiff y breyr. Teir rỽyt tayaỽc ynt; y wa+
rthec. a|e voch. a|e hentref. O pop llỽdyn a ga+
ffer yn eu plith o galan mei hyt amser me+
di; pedeir keinhaỽc a geiff y tayaỽc. Tri
chorn buelyn y brenhin; y gorn kyued. a|e
gorn kyweithas. A|e gorn hely yn llaỽ y
| « p 26v | p 27v » |