NLW MS. Peniarth 32 (Y Llyfr Teg) – page 170
Llyfr Iorwerth
170
ỽrth na dylyir ebediỽ y eu tadeu namyn eu
herchwys. ac eu milgỽn. ac eu hebogeu. Ny
dylyir y verch brenhin. kannyt oes a|e govyn+
no idi. ny dyly ynteu amobyr y verch e|hun.
Ny dylyir ebediỽ y vn gỽahalaeth; kanys
herỽyd eu dylyet maỽr ỽy. y byd ryd ynteu
o bop dylyet bychan. o·ny deruyd idaỽ kymryt
tir. a mynet y|mreint y tir. yr kaethet ha+
gen vo y tir a gymero ef; rydit uchelỽr a vyd
idaỽ. ac o hynny aỻan amobyr ac ebediỽ a
dal ef ual y talo uchelỽr. ny thalei kynno
hynny namyn a dalei yr etlig. Ebediỽ pen+
kenedyl a distein; punt bop vn onadunt. Ebe+
diỽ penkerd ry estynho y brenhin. benkeyrdaeth
idaỽ; chweugeint. Pop kerdaỽr araỻ herỽyd
y vreint a|e dylyet y tal y ebediỽ. nac aỻtut vo
na thref·tadaỽc. Pop kyfryỽ dyn o|r a|dalho e+
bediỽ; kymeint vyd amobyr y verch a|e ebediỽ
e|hun. Yr arglỽyd a|dyly keissaỽ offer y bop
penkerd. o|r yd estynho penkeyrdaeth idaỽ. Nyt
amgen. telyn. a chrỽth. a phibeu. y bop vn her+
wyd y aruer. a|r rei hynny a|dylyant ỽynteu
eu hadaỽ y|r brenhin. pan vont veirỽ. Pob pen+
kerd telyn; a|dyly y gan y kerdoryon a vyn+
no ymadaỽ a thelyn raỽn a bot yn gerdaỽr
kyweithas ac yn eirchat; pedeir ar|hugeint
| « p 169 | p 171 » |