NLW MS. Peniarth 32 (Y Llyfr Teg) – page 38
Llyfr Iorwerth
38
1
y ỻaỽ·gyteu ac a vo yndunt odieithyr eur ac
2
aryant. O|r byd gỽeeu eu rannu. Y peỻeneu y|r
3
meibyon o|r bydant. ac ony bydant eu rannu.
4
Y gỽr a dyly a vo uch daear ac is daear o yt.
5
Y gỽr a|dyly yr ieir oỻ ac vn cath. a|r rei ereiỻ
6
oỻ y|r wreic. Y bỽyt ual hynn y rennir. Y wre+
7
ic bieu y kic yn heli. a|r gỽr bieu gỽedy croccer.
8
Y wreic bieu y kic bỽlch. a|r kaỽs bỽlch. Y wre+
9
ic bieu kymeint ac a aỻo y·rỽng nerth y dỽy
10
vreich a|e deulin y dỽyn o|r geỻ hyt y ty. Pob
11
un onadunt bieu y diỻat dyeithyr y mentyỻ.
12
a|r mentyỻ eu rannu. Os y gỽr a vyd breinha+
13
ỽl; dangosset y vreint kynn rannu. a gỽe+
14
dy kaffo ef y vreint; ranher mal y dywedas+
15
sam ni uchot. Eu dylyedyon talent yn
16
deu hanner. Os kynn y seith mlyned yr ys ̷+
17
garant; taler idi y hengwedi. a|e hargyfreu
18
a|e choỻedeu. os yn vorỽyn y rodir; yr hynn
19
a vo ar y garn o|r petheu hynny. Os kynn
20
y seithuet vlỽydyn yd edeu hi efo; kỽbyl
21
o hynny a|gyỻ dyeithyr y chowyỻ. a|e hỽy+
22
neb·werth a|e gowyn. Os y gỽr hitheu a|vyd
23
clafỽr. neu anadyl dreỽedic. neu na aỻo
24
kyt a|hi. os o vn o|r tri achaỽs hynny yd
25
edeu hi y gỽr. hi a|dyly kaffel kỽbyl o|r|eidi.
26
Os o varỽ y gỽahant*; hi a|dyly pob peth yn ̷ ̷
« p 37 | p 39 » |