NLW MS. Peniarth 32 (Y Llyfr Teg) – page 55
Llyfr Iorwerth
55
1
negyf vyd y kynnogyn idaỽ; deuet ar y vach
2
a holet y uach. a|dywedet vot y kynnogyn yn
3
negyf idaỽ. Os ef a dyweit y mach gỽadu hyt
4
nat mach; deuent hyt ar yr ygnat. ac os ef a
5
vynn y mach gỽadu. ac na ỽrthtygho yr haỽlỽr
6
arnaỽ; bit ryd y mach o|r haỽl am y gỽat ry di+
7
gones. Os ef a|wna yr haỽlỽr gỽrthtỽng ar y
8
mach. a|galỽ am vraỽt ar yr ygnat. ỽrth y
9
gỽrthtỽng ry|digones ar y mach. Jaỽn yỽ y|r
10
ygnat barnu ar y mach y ỻỽ a|r|gỽat yn vn
11
ffunyt ac y dywedassam ni uchot. O|deruyd. y dyn
12
kymryt mach y gan araỻ ar beth. a|dyuot y
13
dỽy bleit ygyt. yr haỽlỽr a|r mach a|r kynnogyn.
14
a holi o|r haỽlỽr y mach. a|dywedut y vot yn
15
uach ar peth maỽr. ac atteb o|r kynnogyn a|dy+
16
wedut y vot yn vach ar beth bychan. a heb wa+
17
du. Jaỽn yỽ y|r ygnat yna barnu bot yn et+
18
vryt y mach dywedut py ar y|mae mach ae
19
ar beth maỽr. ae ar beth bychan. a hynny
20
ỽrth lỽ y mach. kanys mach adefedic yỽ ef.
21
O|deruyd. y dyn kymryt ỻawer o veicheu ar beth. a
22
mynnu eu|gỽadu o|r kynnogyn. kymeint ac
23
a|dywedassam ni uchot y wadu mach; a daỽ y
24
wadu pob un o·nadunt ỽynteu herỽyd y|dywe+
25
dassam ni uchot. Rei a uyn ar vn seith|wyr ̷
26
gỽadu kyt at·vo can mach. Nyni a|dywedỽn hyt
« p 54 | p 56 » |