NLW MS. Peniarth 33 – page 116
Llyfr Blegywryd
116
a|tal Gwerth hẏd dof ẏ brenhin.
ẏỽ punt Gwerth croen hẏd. ~
deudec. kẏnnaỽc* kẏureith Gwer+
th croen ewic. wẏth geinnaỽc a|tal
Gwerth pob lletuegin brenhin
neu vrenhines; ẏỽ punt Gw+
erth ỻetuegin breẏr; neu ẏ|wreic
neu ẏ|verch. whugeint* ẏỽ Gwer+
th lletuegin taẏaỽc. keinnaỽc cota
O|r bẏd helẏ gellgỽn ẏ|vrẏr*. ar+
hoet ef hẏnnẏ ellẏgho kẏnẏdẏ+
on ẏ|brenhin eu kỽn teir gweith
ẏ|bore; ac o·dẏna gollẏget ẏnteu
ẏ|gỽn ẏn rẏd. a phẏ|le|bẏnnac ẏ
llather ẏ|carỽ roder wharthaỽr
tir ohonnaỽ PẎ|ffordavl bẏn+
nac a|vartho* bỽẏstuil gỽẏỻt ar
fford ẏn|fforest brenhin. erlittẏet
ef tra gwelho ac os gordiwed
kẏmeret ef. ~ ac o|r dieinc ẏ|dan ẏ
olwc. nac erlittẏet Pẏ|wẏstu+
il bẏnnac a gaffo dẏn ẏn varỽ
ar tir dẏn arall; o|r bẏd hẏẏs ẏ
gic. perchennaỽc ẏ tir bieuuẏd
| « p 115 | p 117 » |