NLW MS. Peniarth 35 – page 74r
Llyfr Cynog
74r
dadyl tir a| dayar. Sef achos y byd cayedic. kyfreith.
am tir yn| y deu tymhor hynny. Rac llesteiraỽ ere+
dic y gwanhỽyn a diwyll y dayar. Ac rac lles*+
teryaỽ medi a chynnull y kynnhayaf. O deu
achos yd| ychwanegir y naỽ nieu gyt a|phob
tymmor. O uot yn hagyr cayu y kyfreith. yn un dydy+
aỽc yng kalan y mis Eil yỽ y hỽylaỽ oet y haỽ+
lỽr ac amdiffynnỽr y keissaỽ eu porth. Ny
dylyir gwarandaỽ un o teir haỽl am tir yn
amser caet* kyfreith. haỽl priodolder. A haỽl
dadanhud. A haỽl ymỽrthryn. ym pob tymmor
yn| y ulỽydyn ryd uyd am dadyl teruyn. Pỽy
bynhac y kyuarffo teruyn llys ac ef yng kyuo+
eth y arglỽyd e| hun O byd ymteruynu. llys
a| teruynha. Canys o·honi y daỽ y ureint y bob
tir. yny kyuarffei teruyn llys arglỽyd a| th+
eruyn esgobty. y uam eglỽys a teruyna. pan
uo ymteruynu rỽng llys arglỽyd a| thir arall
y maer ar kynghellaỽr bieu dỽyn y| teruyn a
thyngu drostaỽ pan uo reit. Pan teruyno
tref ar y| gilyd yr uchaf y breint a| dyly teruy+
nu ar yr issaf. Sef yỽ dyall hynny. Rydit a
teruyna ar gyllit. O|r gỽna mab hynaf ade+
ilat ar tref y dat koret neu uelin neu peirant
lle ny bo tydyn y neb nac achub kynn no hyn+
ny. Ny ellir y yrru odyno namyn rodi tu a| th+
al ymdanaỽ o|r neill tu idaỽ neu o|r neill tal. ~ ~
| « p 73v | p 74v » |