NLW MS. Peniarth 35 – page 93r
Llyfr Iorwerth
93r
a| talho dec ar| ugeint. Ac arall a| tal+
ho tri ugeint. Ac os dỽc ar ty ac an+
llỽyth a|e bot y gyt ac ef hyt ym penn
y seith mlyned. rannu a hi uegys
a gỽreic a rodyeit arnei. Teir
hegwedi kyfreithaỽl yssyd egwedi merch
brenhin. Nyt amgen. Pedeir punt
ar ugeint. A|e chowyll vyth punt.
Egwedi merch gỽrda. Teir punt.
A|e chowyll punt. Hegwedi merch
mab eillt. punt. y chowyll pedwar
ugeint. O deruyd y vr ueichogi gỽ+
reic o lỽyn a pherth. Ef a dyly gos+
symdeithaỽ y mab Canys y . kyfreith.
a dyweit na dyly hi gaffel treul o ach
os y gỽr Cany chauas y uỽynant ac
ỽrth hynny y dyly ynteu meithrin y
mab. O deruyd y ỽr ysgar a|e wreic a| hi
yn ueichaỽc. pan ysgarer a| hi. Gat+
ter idi o|r pan ysgarher a hi yny ang+
ho yg kyueir hanher blỽydyn o ue+
ithrin y mab. Ac gỽedy ganher y mab
hitheu bieu y ueithrin ef eilweith ulỽ+
ydyn mynho na uynho ys dir idi y ueith+
rin yr da y gan y gỽr. Sef yỽ messur
| « p 92v | p 93v » |