NLW MS. Peniarth 36A – page 44v
Llyfr Blegywryd
44v
racuyr dec a deu vgeint. hyt galan whef+
raỽr; deudec a deu vgeint. Eil dyd o
whefraỽr pedeir keinhaỽc a drycheif er+
ni kyfreith. kalan mei trugeint a| tal.
Ac yna buch cỽbyl vyd. Teithi buch yỽ
dec ar| hugeint aryant. pedeir ar| hugeint
dros y llaeth. a whech dros y llo. Teithi
kynfflith; vgeint yỽ. vn ar pymthec
dros y llaeth a phedeir dros y llo. Dros laeth
buch ỽythnos; keinhaỽc. O tri mod y telir
teithi buch. o dec ar| hugeint aryant. neu
vuch hesp dec. neu o vlaỽt. Os o vlaỽt
val hyn y telir. Messur llestyr llaeth buch
yỽ. naỽ motued yghylch y eneu. a their
yn llet y waelaỽt. a seith ar ỽyr. or cleis
draỽ yr emyl yma vyd y vchet. lloneit y
llestyr hỽnnỽ a telir o vlaỽt keirch yg|kyf+
eir pob gotro or vuch hyt ỽyl gyric. Ody ̷+
na hyt aỽst o vlaỽt heid. Odyna hyt galan
gayaf o vlaỽt gỽenith y| telir y messur velly.
Gỽerth llo gỽryỽ hyt galan racuyr;
whech cheinhaỽc a tal. O hynny allan
| « p 44r | p 45r » |