NLW MS. Peniarth 36A – page 6r
Llyfr Blegywryd
6r
llad vn or welygord honno. ny thelir
galanas hỽnnỽ ac nyt atuerir dim or
a talỽyt. dros y kyntaf. Eil yỽ bot kys ̷+
sỽynuab y myỽn kenedyl heb y dỽyn
a heb y wadu a llad dyn o hỽnnỽ. talu
yr alanas oll a uyd reit yr genedyl
honno drostaỽ. ac os gỽadant gỽedy
hynny; dygyngoll yỽ. Trydyd yỽ pan
enllipper gỽiryon am gelein. ac na
wnel iaỽn am hynny namyn tremyc
or lledir dyn am hỽnnỽ. ny thelir dim
drostaỽ kyn bo gỽiryon. kany eill ke ̷+
nedyl wadu yn| y varỽ. yr hyn ny wa ̷+
daỽd ef yn| y vywyt. Oer·gỽymp ga ̷+
lanas yỽ pan ladho dyn dyn arall. a
dodi oet am wneuthur iaỽn dros ̷+
taỽ. ae lad ynteu o dyn o genedyl arall
nys dylyho. oer gỽymp galanas y gel ̷+
wir hynny. rac trymet y golli ef. ac
adaỽ y gyflafan a wnathoed ar y ge+
nedyl a goruot y thalu. Pỽy bynhac
a watto llad dyn y myỽn llu; talet
| « p 5v | p 6v » |