NLW MS. Peniarth 36A – page 7v
Llyfr Blegywryd
7v
y telir o gyfreith or cỽynant ymdan ̷+
aỽ. ac ef a dylyir talu reith vdunt ỽy
ac yr genedyl val kynt. Y diwat llof ̷+
rudyaeth os gofynnant. neu talu ga ̷+
lanas vdunt. Y neb a differo rac
llatron da a dyccer yn lletrat ar tir
ny phieipho. trayan y gobyr diffryt
a geiff ef. ar dỽy ran a geiff arglỽyd y
tir. Gỽerth lleidyr a werther; Seith
punt. Or daỽ lleidyr at offeirat y
adef ac y enwi y gedymdeithon am
letrat. a thygu hynny ar drỽs y vy ̷+
nỽent. ac ar drỽs y kor heb erchi
eu kelu. beth bynhac a darffo ymdan ̷+
aỽ gỽedy hynny; credadỽy vyd yr offei ̷+
rat am yr hyn a dywat y lleidyr ỽrth+
aỽ. kyffelyb y hynny vod. vyd am dyn
a vanacco lleidyr a lletrat a dyccer or
tỽg ỽy* vanac val hynny yg|gỽyd offei+
rat. Pỽy bynhac a dywetter arnaỽ
anreithaỽ dyn. os gỽatta; rodet lỽ deg
wyr a deu vgeint. Managỽr diofre ̷+
daỽc or daw gyt ar colledic at yr offeirat
| « p 7r | p 8r » |