NLW MS. Peniarth 46 – page 98
Brut y Brenhinoedd
98
1
barnhei lys lundein. a gỽedy na chaffei
2
casỽallawn. y gỽr yn|y eỽyllys. gogyuadaỽ a+
3
uarỽy a|ỽnaeth. a thygu yd anreithei
4
y kyuoeth o tan a hayarnn ony rodei y
5
gỽr y uarnnu arnaỽ y lys ef. a|llidyaỽ
6
a oruc auarỽy. a thygu na|s rodei yn|y
7
eỽyllys uyth. ac yn diannot kychỽyn a
8
oruc a casỽallaỽn. a|e lu a dechreu anre+
9
ithaỽ kyuoeth auarỽy. a|e losgi. ac eisso+
10
es keissaỽ a|oruc auarỽy trỽy a char
11
idaỽ ac estraỽn kymot gann casỽallaỽn.
12
ac ny|s cai. Sef a|ỽnaeth ef anuon y keis+
13
saỽ nerth gann ulkassar amheraỽdyr
14
rufein. trỽy lythyr yn|y mod hỽnn.
15
A uarỽy tyỽyssaỽc llundein yn anuon
16
annerch y|ulkassar amheraỽdyr rufein.
17
a gỽedy damunaỽ gynt y|agheu damunaỽ
18
ỽeithon yechyt. canys ediuar yỽ genhyf
19
daly y|th erbyn pann uu yr ymladeu rot
20
a|chasỽallawn yn brenhin ni. canys pei peittỽn. i.
21
yna ti a|uuassut uudugaỽl. a chymeint
| « p 97 | p 99 » |