NLW MS. Peniarth 8 part i – page 42
Ystoria Carolo Magno: Chronicl Turpin
42
1
Ac ny adws rolant y|neb aflonydv arnaw dra vynnws gys ̷+
2
gv canys kytvot a|wnathoydynt pwy|bynnac a|aflonydej na
3
mynnit dim y|ganthaw namyn y|eneit. na sarassin vei nac
4
vn o gret. A ffan deffroes farrakut a gwelet rolant yn|eiste
5
yn|y emyl. Amovyn a|orvc ac ef pa ryw galedi a|oed yndaw pryt
6
na medej arnaw neb ryw aryf or byt na maen na phrenn.
7
Ny ellir ac aryf or byt argywed ymi onym brethir ym bogel
8
a dywedut hynny o|yeith yr ysbaen. A|ffan gigleu rolant hynny
9
tewi a|orvc ac atnabot ysbaynec yr awr y|dwot. Ac yna edrych a|oruc
10
y|kawr yn graff ar rolant a|govyn idaw pwy oed y|henw. Rolant
11
eb ef yw uy henw i. O ba genedyl eb ef yd hanwyt tj pan wrth ̷+
12
wynepych tn* ymi mor gadarn ac yd wyt. cany cheueis ermoet
13
ettwa am blinej namyn tidi. O genedyl ffreinc pan wyf j
14
eb y|rolant. A|nej wyf inhev y|cyarlymaen. Pa|ryw dedyf yw
15
vn y|ffreinc eb y|kawr wrth rolant. Dedyf gristonogawl drwy rat
16
duw eb y|rolant yw vn y|ffreinc. Ac y|bendeuigaeth grist yd ysty ̷+
17
ngwn. Ac ar ny dalyo wrth gret grist ni ay hystyngwn. Pan
18
gigleu y|pagan enwi crist y|gouynnws yntev pwy oed grist
19
Mab y|duw eb y|rolant a anet or wyry veir ac a|diodeuawd ar
20
y|groc. Ac ef a|gladwyt y|mewn bed. Ac a|gyuodes y|trydyd dyd
21
o|veirw ac a aeth ar deheu y|dat. Miui a|gredwn bot vn duw
22
eb y|kawr kreawdyr nef a|dayar. Ac nat oes idaw ef na mab
23
na that namyn megis na anet nep y|ganthaw ef nac yntev
24
y|gan neb. Ac am hynny eb y|kawr vn duw yw ef ac nyt tri
25
Gwir a|geny di eb y|rolant y|uot ef yn vn. Pan dywettych
26
dithev nat trindawt yntev yd wyt yn kloffj yth ffyd. Ac o|ch ̷+
27
redy yr tat kret yr mab ar ysbryt glan canys ef yssyd vn
28
duw a|their person. Os duw dat a|dywedy di eb y|kawr a
29
duw mab a|duw ysbryt glan tri duw yw hynny. Nyt
30
velly eb y|rolant yr vn ryw duw yssyd yn|y tat ac yn|y mab
« p 41 | p 43 » |