Breudwd Welsh Prose 1300-1425
Cymraeg

Oxford Jesus College MS. 111 (The Red Book of Hergest) – page 264r

Diarhebion

264r

1057

1
A * vo da gan duỽ ys dir. 
2
chub* maes maỽr a drycuarch. 
3
At·uei geỻ y gi mynych yd|aey idi. 
4
Amgeled y ki am y kỽt halen. 
5
Annoc dy gi. ac na|dos gantaỽ. 
6
Ad·neu keheryn gan gath. 
7
Ar ny phortho y gath; porthet y lygot. 
8
Adaỽ vab; adaỽ uaen. 
9
Arglỽyd paỽb ar y eidaỽ. 
10
Ar ny rodho a|garo; ny cheiff a|damuno  
11
Ar ny wano yn draen ny wan yn|gyff  
12
A uo amyl y uara. dan|ganu yd|a y|laetha. 
13
A uo amyl y uel dodet ar y iwt. 
14
A el y|r gỽare a·dawet y groen. 
15
Atwen mab a|e|ỻaỽch. 
16
Aghenn a|dysc hen yn rydegaỽc. 
17
Agheu a|dyfurys. 
18
Asgỽrn yr hen yn|yr aghenn. 
19
Ard kyt bych. ard kynny bych. 
20
A|el y lys heb neges doet a|e neges gantaỽ. 
21
A|e vaỽ y kymuner a|vo marỽ yr bygỽth. 
22
A|uo amyl y veibon nyt a da yn|y goludyon. 
23
A|ranno y liaỽs. rannet yn|hynaỽs. 
24
A ysgynno yn|hỽyr. ebrỽyd y syrr. 
25
Amlaf cỽrỽf tra|hidler. 
26
A uo nessaf y|r|eglỽys peỻaf vyd y ỽrth baradỽys. 
27
A|wnel y drỽc arhoet y ỻaỻ. 
28
A|gynnuỻer ar|geuyn march malen. dan y dorr yd|a.
29
A dỽc yr hyd y|r ỻynn. 
30
A|uo kalet y gynghaỽs. dalyet ar|bop achaỽs. 
31
Anaf yg gieu. 
32
Agheu yg|gỽytheu. 
33
Arglỽyd a gymeỻ. 
34
A gymero catwet. 
35
A|˄adef ry deu.
36
A arbetto y uach. arbedet y gynnogyn. 
37
Arwaessaf y|leidyr y uanac. 
38
Adneu gan berchen. 
39
Afrat yỽ gỽrthot. 
40
A rea y vran uaỽr a rea y vran uechan. 
41
A|wnel tỽyỻ ef a|dỽyỻir. 

1058

1
a dycko yr wy ef a dỽc aua a|uo mỽy. 
2
amlỽc gỽaet ar uarch gỽelỽ. 
3
amlỽc gỽaet o|benn crach. 
4
anhys ty. anhys coet. 
5
annỽydaỽc chwannaỽc y|dan. 
6
a dỽc da. dryckyghor. 
7
a wneler yn rin nant. ef a|e gỽybyd cant. 
8
a garo y rieu. caret y waryei. 
9
a|m caro i. karet vyg|crys. 
10
a garo y uam caret y eỻtrewyn. 
11
a garo y ỽr caret y chwegỽr. 
12
a|o·gano. ef a ogenir. 
13
aghaỻ mal daỻ a dwyỻir. 
14
aet leỽ yg|kynnỽryf kat. duỽ a|e differ. 
15
a uo diryeit ar y mor. diryeit uyd ar y tir. 
16
a dysger y|r mab duỽ|sul. ef a|e gỽybyd duỽ|ỻun.
17
a gauas y karn. kauas y ỻauyn. 
18
arglỽyd gỽann gỽae y was. 
19
a|gyuodes. coỻes y le. 
20
arỽyd nat kic bỽch. 
21
arouyn dryc·uugeil. 
22
aỻwed caỻon. cỽrỽf da. 
23
areith doeth a|drut ny dygymyd. 
24
angheu anghen. dyhewyn dir. 
25
amlỽc golỽc gỽylyaỽd·yr. 
26
a vo ben archet wedi. 
27
a|wnel drỽc ymogelet. 
28
ar ny aỻo treis. tỽyỻet. 
29
aneiryan pob diryeit. 
30
a|nodo duỽ ry nodit. 
31
annwar uu uelyn y ureint. 
32
a garo y gilyd nyt edneb·yd y gabyl. 
33
a|dỽc agheu nyt atuer. 
34
aneglur gennat yỽ keudaỽt. 
35
a|uo y vryt ar debet ny wna da kynn y·uet. 
36
a|uo hyborth hywir vyd. 
37
am·aerỽy adnabot anmyned. 
38
agheu garỽ drut a|e heirch. 
39
a|wnel duỽ dyn a|e barn. 
40
am·aerỽy direidi dryc·anyan. 
41
arglỽyd bieu a|ỽrthotter. 

 

The text Diarhebion starts on Column 1057 line 1.