Breudwd Welsh Prose 1300-1425
Cymraeg

Philadelphia MS. 8680 – page 47r

Brut y Brenhinoedd

47r

105

nunt. ac yd erchis arthur
y gadỽr iarỻ kernyỽ. a|bed+
wyr a|rickart a|boryel. ac
eu teuluoed y·gyt ac|ỽynteu
eu|hebrỽng hyt pan|elhynt
yn|diogel rac ofyn tỽyỻ y
ruueinwyr. A|r ruueinw+
yr y nos honno gỽedy caffel
o·nadunt gỽybot y darpar
hỽnnỽ. a etholassant pym+
thegmil o|wyr aruaỽc. ac
a|e|geỻygassant hyt nos y
ragot y fford y tebygynt eu
mynet trannoeth y geissaỽ
rydhau eu karcharoryon.
Ac yn|dywyssogyon ar y|rei
hynny y gossodet ultei. a
chadeỻ. a chỽintus sened+
ỽr. Ac euander urenhin si+
ria. a sertor urenhin libia.
A|r rei hynny oỻ a|gymeras+
sant eu|hynt hyt pan gaỽss+
ant y ỻe a|vei adas gantunt
y lechu. Ac yno aros y dyd
arnadunt. A|r bore dranno+
eth kymryt eu fford a|ỽnaeth

106

y brytanyeit. ac eu carch+
aroryon parth a pharis.
Ac ual yd oedynt yn|dyuot
yn agos y|r ỻe yd oed y pyt
arnadunt y gan eu gely+
nyon. ac ỽynteu heb wy+
bot dim o|r|urat na|e thy+
byaỽ. Yn|dirybud eu|kyr+
chu a|oruc y ruueinwyr
a|dechreu eu gỽasgaru.
a mynet drostunt. 
Ac eissoes kyt kyrchit y
brytanyeit yn|dirybud
ny chahat yn|diaruot.
namyn yn ỽraỽl gỽrthỽy+
nebu y eu gelynyon. a
rei a|dodassant y gadỽ y
carcharoryon. ac ereiỻ yn
uydinoed y ymlad. A|r uy+
din a|ossodassant y gadỽ y
carcharoryon. a orchymy+
nassant y rickert a bedw+
yr. a thywyssogaeth y rei
ereiỻ a|orchymynnỽyt y
gadỽr iarỻ kernyỽ a|boryel
yn gyt·tywyssaỽc idaỽ. ar