Oxford Jesus College MS. 111 (The Red Book of Hergest) – page 27r
Brut y Brenhinoedd
27r
105
1
minheu. A phy beth bynac a erchych ti
2
a|e keffy. ac yna ostỽg y benn a|ỽnaeth hen+
3
gyst a diolch idaỽ hynny. a|dyỽedut ỽrtha+
4
ỽ ual hynn. Tidi arglỽyd heb ef a|m|ky+
5
uoethogeist i. ac a|rodeist im eisteduaeu
6
amyl o dir a dayar. ac eissoes nyt megys
7
y|gỽedei enrydedu tyỽyssaỽc a|hanfei o|lin
8
brenhined. Sef achaỽs yỽ ti a|dylyut rodi
9
imi ae kasteỻ ae dinas gyt ac a|rodut.
10
Megys y|m gỽelit inheu yn enrydedus
11
ymplith y tyỽyssogyon. ac yna y rodes
12
gỽrtheyrn atteb idaỽ. a ỽrda heb ef vy|g+
13
ỽahard i. a|wnaethpỽyt rac rodi y ryỽ
14
rodyon hynny itti. Kanys estraỽn gene+
15
dyl a|phaganyeit yỽch. ac nat atỽen
16
inheu etwa na|ch moes na|ch deuodeu.
17
Megys y gaỻỽyf ych kyffelybu y|m|kyỽt+
18
aỽtỽyr. Kanys pei dechreuỽn i. ych anry+
19
dedu chỽi megys kenedyl briaỽt yr y+
20
nys. Gỽyrda y deyrnas a gyuodynt y|m
21
herbyn ac a|ỽrthỽynebynt im. ac yna
22
y dyỽaỽt hengyst. arglỽyd kanhatta
23
ditheu y|th|was gỽneuthur ar y tir a ro+
24
deist im. Kymeint ac a ymgyrhaedo kar+
25
rei y|damgylchynu o|e hunty mal y bo
26
diogelach im ymgadỽ yn hỽnnỽ rac
27
vy|gelynyon. Kanys fydlaỽn vum ac
28
ỽyf ac vydaf itti. a phy beth bynnac a|w+
29
nelỽyf yno yn fydlonder itti y gỽnaf. a
30
chanhadu a|wnaeth y brenhin idaỽ hyn+
31
ny. a gorchymyn idaỽ eỻỽg kenadeu
32
hyt yn germania y erchi keissaỽ porth
33
odyno. ac heb un gohir eỻỽg kenadeu
34
a|oruc hengyst hyt yn germania. a chy+
35
mryt croen tarỽ a|oruc hengyst a|e hoỻti
36
yn vn garrei. ac odyna ethol y ỻe a aỻỽ+
37
ys y gaffel ar y dir a rodassit idaỽ. ac
38
a|r|garrei honno messuraỽ ỻe kasteỻ. a
39
dechreu y a·deilat yn|dianot. a phan|dar+
40
vu adeilat y gaer y gelỽit kaer y garrei
41
ỽrth y messuraỽ ar garrei. ac yn|saesnec
42
tancastyr. ac yn ỻadin castrỽm corrigie.
43
ac o|r enỽeu hynny y gelỽit yr hynny hyt
44
A c ymchoelut a|wnaeth [ hediỽ. ~ ~
45
y kenadeu o germania a deunaỽ
46
ỻog yn ỻaỽn o etholedigyon varch+
106
1
ogyon Aruaỽc gAntunt. A merch
2
hengyst gantunt. Sef oed y henỽ ron+
3
wen. ac nyt oed yr|eil a gyffelypit idi
4
rac y thecket. a gỽedy dyuot y nifer hỽn+
5
nỽ. sef a|oruc hengyst gỽahaỽd gỽrthe+
6
yrn y edrych yr adeil deissyfyt a|ry wna+
7
thoedit. ac y edrych y marchogyon neỽ+
8
yd dyuot. a gỽedy dyuot y brenhin y+
9
no a nifer bychan gantaỽ. moli a|ỽnaeth
10
y gỽeith neỽyd. a chymryt y marchogy+
11
on neỽyd dyuot yn wyr idaỽ. a gỽedy dar+
12
uot udunt vỽyta o vrenhinaỽl anregy+
13
on. nachaf y uorỽyn yn|dyuot o|r ysta+
14
ueỻ a gorulỽch eur yn|y ỻaỽ yn ỻaỽn
15
o win. ac yn|dyuot hyt rac bron y bren+
16
hin. a gỽedy adoli idaỽ ar dal y deulin
17
a|dyỽedut ỽrthaỽ val hyn Lofyrt kig
18
wassael. a phan welas y brenhin pryt y
19
uorỽyn. anryfedu a|oruc yn uaỽr y|thec+
20
ket. ac yn|y ỻe ymlenỽi o|e charyat.
21
a gofyn y|r ieithyd beth a|dyỽedassei y
22
vorỽyn. a phy beth a|dylyei ynteu y
23
dyỽedut yn atteb idi hitheu. ac yna y
24
dyỽaỽt y ieithyd ỽrthaỽ. arglỽyd heb
25
ef hi a|th elỽis di yn arglỽyd ac yn uren+
26
hin yn|y ieith hi. ac ueỻy y|th|anrydedỽ+
27
ys. Yr hyn a|dyly ditheu y ỽrtheb idi yỽ
28
hyn. Sef yỽ hynny drinc heil. ac yna
29
y dyỽaỽt gỽrtheyrn ỽrthi drinc heil.
30
ac erchi y|r uorỽyn yfet y gỽin. ac yr hyn+
31
ny hyt hediỽ y mae y deuot honno wedy
32
hynny ymplith y kyfedachỽyr yn ynys
33
prydein. ac yna gỽedy medwi gỽrtheyrn
34
neidaỽ a|ỽnaeth diaỽl yndaỽ. a pheri idaỽ
35
kytsynyaỽ a|r baganes yskymyn heb ve+
36
dyd arnei. a sef a|wnaeth hengyst. mal
37
yd|oed ystryỽys adnabot yskaỽnder an+
38
nỽyt y brenhin. ac ymgyghor a|e wyr+
39
da ac a|e vraỽt am|rodi y uorỽyn ỽrth eỽ+
40
yỻys y|brenhin. ac oc eu kyt·gyghor y
41
kaỽssant rodi y vorỽyn y|r brenhin. ac er+
42
chi idaỽ ynteu sỽyd geint yn y hegwedi
43
hi. ac yn|dianot y|rodet y vorỽyn y|r bren+
44
hin. ac y rodes ynteu sỽyd geint yn|y he+
45
gỽedi hi heb wybot y|r gỽr a|oed iarỻ
46
yno. Sef oed y enỽ gỽrgant. a|r nos honno
« p 26v | p 27v » |