Breudwd Welsh Prose 1300-1425
Cymraeg

Oxford Jesus College MS. 111 (The Red Book of Hergest) – page 265v

Diarhebion

265v

1063

1
Da agheu ar eidyoc taeaỽc. 
2
Da deint rac tauaỽt.  [ vleỽ.
3
E n|y ỻe yd ymgreino march yd edeu peth o|e
4
march a uyd marỽ tra uo y gỽeỻt yn tyuu.
5
Elit ki y geỻ agoret. 
6
Ef y molir paỽb ỽrth eu maeth. 
7
Yr bỽch a wich. ys hi a|lad. 
8
Y diwethaf a|ordiweder ar y vreuan ar hỽnnỽ y|dielir.
9
Y ki a vynner y lad. a dywedir y uot yn gyndeiraỽc.
10
Ysclodyn gỽern ym penn y gath. 
11
Y gath a wyr py varyf a|ly. 
12
Ynvyt vyd a|gaplo y ỽrthpan. 
13
Yn|y croen y ganer y bleid y byd marỽ. 
14
Elit y wrach y|r ureuan yr y|geneu e|hunan. 
15
Eỻỽng drycỽr y ysgubaỽr gỽrda. 
16
Ymhoelit duỽ y laỽ yg|gaeaf|nos. 
17
Y kyn a|el hỽnnỽ a|ordir. 
18
Elit bryt yn ol breudwyt. 
19
Ethyỽ corn heb ysgyfuarnaỽc. 
20
Edewit ny wneler ny|diw. 
21
Ennwaỽc y meichat o|e voch. 
22
Eil vam modryb. 
23
Ewyỻys y gỽyngam am y laỽdyr. 
24
Eiryach laỽ. nac eiryach droet. 
25
Elit gỽreic yn ol y henỻib. 
26
Engyl penn fford. diaỽl tal penntan. 
27
Edewit gỽraged ys deu eiryaỽc. 
28
Eur ar|laỽ wledic. 
29
Edunit herỽr hirnos. 
30
Ergryn ỻỽfyr ỻiaỽs adoet. 
31
Eiryaỽl ny garaỽr ny|gyghein. 
32
Eigut drycuab yn|ty araỻ. 
33
Eiryaỽl agaraỽr haỽdweith. 
34
Elit ysgubaỽr gan dryctorth. 
35
Ergyt yn ỻỽyn. kyssul heb y erchi. 
36
Eithyr gaỻu nyt oes dim. 
37
Elit ỻaỽ gan droet. 
38
Y gont a|del o|e|phroui. hỽyr yd|a y|phriodi.
39
F o rac dryctir. ac na ffo rac dryc·arglỽyd.
40
ord* beỻ y ỽr o benỻyn. 
41
FFaỽt paỽp yn|y|dal. 

1064

1
FFord y lann. vaclan yd eir y nef. 
2
FFord lan vechan yd aei y wennynen. [ yn|y bresep.
3
G weỻ y|r march a|uo yn|y uordwyt no a|vo  ̷ ̷
4
orỻyfnu* penn y ki tra eler heibyaỽ.
5
Gỽeỻ y|r ki a grỽyttro. noc y|r ki a orwedo.
6
Gỽare hen|gi a cholỽyn. 
7
Gỽeỻ y|r kath nat elit y hafotta. 
8
Gỽaeth un|bleit cloff. no deu iach. 
9
Geneu mỽyalch ac arch bleid. 
10
Gỽeỻ mam godaỽc. no that riedaỽc. 
11
Gỽeỻ kar yn|ỻys noc eur ar vys. 
12
Gỽeỻ vn hỽde. no deu a|daỽ. 
13
Gỽeỻ aros o aỻtuded noc aros o ued. 
14
Gỽeỻ am y|paret a|detwyd. noc am y tan a|diryeit.
15
Gỽeỻ agor no chynnỽys. 
16
Gỽeỻ goleith mevyl. no|dialỽr. 
17
Gỽeỻ y|r gỽr a|aeth a|r uanec y ytta. noc a|r ffetan.
18
Gỽeỻ drycsaer no dryc·of. 
19
Gỽeỻ y ỻysc y deu etewyn no|r vn. 
20
Gỽeỻ nerth dỽy|wrach no|r vn. 
21
Gỽeỻ y|kul kyua no|r bỽrr aghyua. 
22
Gỽeỻ mevyluot. no mevylgerdet. 
23
Gỽeỻ byrr eisted. no|byrr seuyỻ. 
24
Gỽeỻ edrych ar dyn yn cachu noc yn kymynu.
25
Gỽeỻ cadỽ. noc olrein. 
26
Gỽeỻ gỽegil y kar. noc wyneb yr estraỽn. 
27
Gỽeỻ hen haỽl. no hen alanas. 
28
Gỽeỻ gỽr. no gỽyr. 
29
Gỽeỻ gỽr. no|e rann. 
30
Gỽeỻ ˄bed no|buched yghenaỽc. 
31
Gỽeỻ hir weddaỽt. no drycwra. 
32
Gỽeỻ tewi no drycdywedut. 
33
Gỽeỻ duỽ ỽrth y volaỽt. 
34
Gỽeỻ vn dyrnaỽt a|r|ord. no deu a|r mỽrthỽl. 
35
Gỽeỻ peidaỽ. noc ymdireidaỽ. 
36
Gỽeỻ wyneb. no gỽaly. 
37
Gỽeỻ ry draỽs. no ry druan. 
38
Gỽeỻ golut no ryssed. 
39
Gỽeỻ kynnwys got noc vn ỻeidyr.  [ jyrchot.
40
Gỽeỻ bot yn benn ar yr|hydot. noc yn|din ar|yr
41
Gỽeỻ gỽestei gỽreic. noc vn gỽr.