Oxford Jesus College MS. 111 (The Red Book of Hergest) – page 268r
Diarhebion
268r
1073
Maedu y dyỻuan ỽrth y maen.
Mal y kerych dy vaỽt.
Mal rybud hyt wein.
Meithryn chwileryn ym mynnwes.
Mal y pysc am y dỽfyr.
Mochdysc naỽf mab hỽyat.
Maen dros iaen.
Mynet a|r gogyr y|r dỽfyr. [ enderic.
Mynych y|r breid bot ar waỻ. pan uo tywyssaỽc yr
Mal y ỻỽynaỽc am yr egroes.
Molet paỽb y ryt ual y|kaffo.
Mal y|saeth o|r ỻinyn.
Mal adein y|walch.
Mal y·chenaỽc heb gyn·noc.
March y|r ỻygoden ny bo namyn vn|ffeu idi.
Mab heb gosp. ty a|losc.
Mal y tan ar dy aelaỽt.
Mal y peiỻant y indec.
Mab ryuech ry|pennit. [ wely.
Megys y try y|dor ar y kollyn. y try diaỽc yn|y
Mal yr ab am y cheneu.
Mal y gỽydel yn yrru* aỻan.
Mal yr aran am y dỽygoes.
Mỽy no|r bel adadan y kemyc.
Malaen a|dyly y|deith.
Mal kỽn gan gyfreion. [ dyckei y|r ỻann.
Mi a|gaỽn a|vei gan vy mamm. ac ny chaỽn a|e
Maedu yr arth yg|gỽyd y ỻew.
Mỽy noc y mae da y|r|bleid. nyt da y isgeỻ.
Mursen a|vyd o wr mal o wreic.
Melyssaf vyd y kic bo nessaf vo y|r ascỽrn.
Moch barn pob ehut.
Maỽrvrydic penndeuic casteỻ.
Meuyl ys gnaỽt o veddaỽt hir. ~ ~ ~
N yt mynechtit maeryoni.
y* elwir kywrein ny gynnyd.
Ny|chret eidyc a|littyer yr a dyngher.
Ny|cherir newynaỽc.
Nyt ỻywyaỽdyr namyn duỽ.
Ny|dỽc newyn mam weisson.
Ny cheir geir da heb prẏt.
1074
Nyt ỻei gỽerth gỽr y leith no|e gyfuarỽs.
Ny wyr y ieir bot y walch yn glaf.
Nyt detwyd ny dyuo pỽyỻ.
Ny chỽare a vo erchyỻ.
Ny byd pressỽyl pasc.
Nyt ỻei gỽerth meuyl. no gỽyrth sant.
Nyt a gỽaeỽ yg|gronyn.
Nyt eglur edrych yn tywyỻ.
Nac vn trew na deu. ny naỽd rac agheu.
Nyt edrychir yn ỻygat march rat.
Ny|char douyd diobeith.
Ny bu ysgynnu gorwyd y ar geffyl.
Ny byd doeth ny darỻeo.
Na uit dy wreic dy gyfrin.
Nyt oed hoff kynny|difuenỽyt.
Ny mat newit ny cheiff elỽ.
Ny naỽd eing ỻyfyrder rac ỻeith.
Ny|byd daly ty yt ar|ffynnach.
Nyt oes drycwr. namyn drycwreic.
Ny|byd neb ỻyfyn heb y anaf.
Ny threfyn ny ammỽlch.
Ny eiỻ gỽrach. gỽaret unbenn.
Ny|thyrr penn yr dywedut yn dec.
Nyt ystyr karyat kewilyd.
Ny|dyly dryc·voly. namyn dryc·yssu.
Ny byd mynygylwenn gỽreic drycwr.
Ny varn dyn na charu hyt ympenn y vlỽydyn.
Nyt reit pedi yn ỻys arglỽyd.
Ny hena eidiged.
Ny byd braỽt heb y aturaỽt.
Nes·nes y|ỻeuein y|r dref.
Ny welas da yn|ty y dat a hoffes da yn|ty y chỽegrỽn.
Ny|wisc kein. ny wisco ỻiein.
Newit y gwewyr.
Ny byd moessaỽc merch a|glywo ỻef keilaỽc y|that.
Nyt neges heb varch.
Ny wicha ki yr y|daraỽ ac ascỽrn.
Ny|byd marỽ march yr vn nos.
Ny|byd y|dryỽ heb y|lyỽ.
Ny diffic ffonn ar ynvyt.
Ny|byd gỽann heb y gadarn.
| « p 267v | p 268v » |