Oxford Jesus College MS. 111 (The Red Book of Hergest) – page 268v
Diarhebion
268v
1075
1
Ny|byd myssynglaỽc maen o|e vynych drauot.
2
Nyt reit dangos dirieit y gỽn.
3
Ny|daỽ cof y|r chwegyr y|bot yn|weỽd.
4
Nyt gnaỽt dialỽr diofyn.
5
Ny|chwsc gỽac voly.
6
Neges pendeuic yn rat. ~
7
Ny|chredir moel yny weler yr emennyd.
8
Ny|cheffir mỽy no|chot y|wrach.
9
Ny at y mor hyt y|wregos.
10
Ny|dalyaf dilis odyn.
11
Ny|delir coet o vn|prenn.
12
Nyt a kynnic arglỽyd y laỽr.
13
Ny cheiff ry uodaỽc ry|barch.
14
Nyt vn naỽs gỽyros a|gwern.
15
Ny|charaỽd crist a|e croges.
16
Ny|didaỽr newynaỽc pa ysso.
17
Nyt oes o|rod. namyn o vod.
18
Ny|byd duhun deu gymro.
19
Nugyaỽ gan y kaỽn.
20
Nyt kayu ffeu ar lỽynaỽc.
21
Nyt bỽrn nyt beich.
22
Nyt mal eur da yd|a dyn.
23
Nes no choel.
24
Nac ir wadyn hanbyd gỽaeth.
25
Nyt trymmach y blewyn ỻỽyt no|r gỽynn.
26
Ny|byd prophỽyt neb yn|y wlat e hun.
27
Nyt mi nyt ti ỻewat kic y|ki.
28
Ny|daỽ drỽc y|dyn. ny|del da y araỻ.
29
Nyt reit dodi cloch am uynỽgyl yr ynuyt.
30
Nyt a post ar|ynvyt. a|r ynuyt a|daỽ ar|y|post.
31
Nyt ar vor. nyt|ymyl eneit.
32
Na|vyd vrat uugeil yr a|th gretto.
33
Ny chỽsc duỽ pan ryd gỽaret.
34
No|drycdyn ys|gỽeỻ ki da.
35
Ny|cheffir gwastat y bel.
36
Nyt gỽely heb wreic.
37
Ny pheỻa yr ehegyr neb tlaỽt.
38
Ny naỽt difennwir kywreint.
39
Ny|wyr y parcheỻ ỻaỽn pa|wich y gỽac.
40
Ny daỽ cof y lỽyth y grach.
41
Nyt eidyaỽ duỽ a|watter.
1076
1
Nyt y vam a|dyweit ar|baỽp.
2
Na|dala dy dy ỽrth gyghor dy drỽydetawc.
3
Ny pheỻ dygwyd auaỻ o auaỻ.
4
Ny chymyd diawl a|dwywaỽl.
5
Nyt kyttuun hun a|heneint.
6
Newyd bennic yn|henuon.
7
Ny lad kawat mal y dygynnuỻ.
8
Nyt ydiw byt y|mychydic.
9
Nyt ystyn ỻaỽ ny rybuch callon.
10
Ny|choỻes mam an·myned.
11
Ny|chyueirch angheu y borthi.
12
Nyt vn annyan iach a|chlaf.
13
Nyt oes wyled rac anuerthed.
14
Ny|thyrr ỻestyr kynny|bo ỻaỽn.
15
Nyt|benthic ny hanffo gwaeth.
16
Na|choỻ dy henfford yr dy fford newyd.
17
Neuad pob didos.
18
Ny|lwyd gỽenyn y geilyaỽc.
19
Ny cheidỽ kymro yny goỻo.
20
Nyt haỽd blighaỽ ac elestren.
21
Nyt haỽd deu daỽ o|r vn verch.
22
Nyt haỽd chwythu tan a|blaỽt yg|geneu.
23
Ny|byd ucheneit heb y|deigyr.
24
Ny|wyl dyn a|e pyrth.
25
Ny|rodir gỽlat y vut.
26
Ny|wybydir mỽynyant ffynnaỽn yny|el yn dispyd.
27
Nyt at aret a|geiff y bud.
28
Ny|choỻes y|gyfrif a|dechreuis.
29
Ny moch dieil meuyl meryd.
30
Nyt eir a|bỽyt taeaỽc yn rat.
31
Ny|deila ar yr edyn edynogyn.
32
Ny char buỽch hesp lo.
33
Ny|char morỽyn mab o|e thref.
34
Nyt amwys a|wnel gỽarth.
35
Nyt reit y|detwyd namyn y em.
36
Ny|eiỻ duỽ da y|diryeit.
37
Nyt a geir yt at·weda.
38
Ny ry|gelir y dryclaỽ.
39
Ny chel grud kystud kallon.
40
Ny eing deu vras yn|vn|sach.
41
Ny phrynaf gath yn ffettan.
| « p 268r | p 269r » |