Philadelphia MS. 8680 – page 23r
Ystoria Dared
23r
9
ffimacus. a|gỽyr yn|ar+
uaỽc dyuot am|eu|penn
a|e ỻad kymeynt vn.
Ac amfimacus a|edewis
idaỽ y gỽnaei ef hynny
yn|ỻaỽen. ac ueỻy y gỽ+
ahanỽys ef y ỽrth briaf.
Ac yn|yr un dyd yr ymgyn+
nuỻassant y|r un|ỻe at
antenor ynteu palida+
mas. ac vlcalegon. ac
amphidamas. ac y|alaus
ac y|dỽedassant ỽrthaỽ
y bot hỽy yn anryuedu
yn uaỽr gỽydynder priaf
uot yn|weỻ gantaỽ ef
y uarỽ ef a|e hoỻ|wlat
yn|warchaedic y myỽn
no gỽneuthur hedỽch
y·rydaỽ a gỽyr groec.
Ac antenor a|dywaỽt
pa wed y kaei ef ac ỽyn+
teu ryddit a|gỽaret ot
ymdiffydyynt hỽy ac
ef ac na|s|dywettynt ar+
10
naỽ. a|phaỽb o·honunt
hỽy a|rodes kedernit idaỽ
ar hynny. Ac yna pan
ỽelas antenor y gaỻei
ef dywedut y darpar
yn|diogel idaỽ. ef a an+
uones at eneas y uene+
gi idaỽ ef y gwneynt
hỽy urat y gaer. ac yd
ymogelynt ỽynteu a|e
hoỻ wyr a|e da. ac yd an+
uonynt gennat att
agamemnon am hyn+
ny. ac a|ffrystei y wneu+
thur eu|brat. Ac ysty+
ryeit a|ỽnaeth antenor
ry gyuot priaf yn irỻa+
ỽn lidiaỽc o|r kynghor
am annoc o·honaỽ ef
dagnefed. a bot ofyn
arnaỽ ynteu rac gỽ+
neuthur o briaf ryỽ
gynghor newyd am y
brat ỽynteu. Ac ueỻy
yr ystyrywys pob un
| « p 22v | p 23v » |