Breudwd Welsh Prose 1300-1425
Cymraeg

NLW MS. Peniarth 19 – page 28v

Brut y Brenhinoedd

28v

111

kan daroed idaỽ rodi y gyuo+
eth a|e eur a|e aryant y dỽy ver+
chet ereiỻ. A phan gigleu aga+
nipus tecket y vorwyn. kyfla+
ỽn vu o|e charyat. a|dywedut
a|wnaeth bot idaỽ ef digaỽn
o eur ac aryant. Ac nat oed
reit idaỽ ef ỽrth dim namyn
gwreic delediỽ dylyedaỽc y
kaffei blant ohonei yn eti+
ued ar y gyuoeth. ac yn di+
annot y kadarnhawyt y bri+
odas y·rygthunt. 
A C ympenn yspeit yg+
kylch diwed oes lyr y
goresgynnaỽd y dofyon y rann
o|r kyuoeth a gynhalyassei
ef yn wrawl drỽy hir o am+
ser. ac y rannyssant y·ryg+
thunt yn deu hanner. ac o
gymodlyned y kymerth ~
maglaỽn tywyssaỽc yr alban
lyr attaỽ a deugein marcha+
ỽc ygyt ac ef rac bot yn geỽ+
ilyd ganthaỽ bot heb var+
chogyon ygyt ac ef yn|y os+
gord. A gỽedy bot llyr yn|y
wed honno y·gyt a maglaỽn
blyghau a|oruc cordeiỻa rac
meint o varchogyon oed y+
gyt a|e that. ac rac eu gỽas+
sanaethwyr ỽynteu yn ter+
uysgu y ỻys. A|dywedut a|w+
naeth ỽrth y gỽr bot yn|diga+
ỽn deg marchaỽc ar|hugeint

112

gyt a|e that. a goỻỽg y rei ere+
iỻ ymeith. A gỽedy dywedut
hynny ỽrth lyr. llidiaỽ a|oruc.
a mynet hyt att iarll kernyỽ
y daỽ y ỻaỻ. ac erbynyeit o
hỽnnỽ yn anrydedus. Ac ny
bu benn y vlỽydyn yny daruu
teruysc y·rỽg eu gỽassanaeth+
wyr. Ac ỽrth hynny y sorres
ragua y verch ỽrthaỽ. ac er+
chi idaỽ oỻỽg y varchogyon
y ỽrthaỽ dyeithyr pump mar+
chaỽc a|e gỽassanaethei. A|thris  ̷+
tau a|wnaeth ỻyr yna yn vaỽr.
a chychỽyn odyna elchỽyl hyt
att y verch hynaf idaỽ o de+
bygu trugarhau o·honei ỽr+
thaỽ o|e gynnal a|e varchogy+
on ygyt ac ef. Sef a|wnaeth
hitheu drỽy y ỻit tygu y gy+
uoetheu nef a daear. na chaf+
fei ohir yno yny ollygei y hoỻ
uarchogyon y ỽrthaỽ dyeithyr
vn ygyt ac ef a|e gỽassanaeth+
ei. a|dywedut nat oed reit y
wr kyuoet ac efo un ỻuosso+
grỽyd ygyt ac ef. na theulu
namyn vn gỽr a|e gỽassanae+
thei. A gỽedy na chaffei lyr
dim o|r a geissei gan y verchet
goỻỽg y varchogyon oỻ a|w+
naeth dy·eithyr un ygyt ac
ef. A gỽedy y vot uelly rynna+
ỽd dỽyn ar gof a|oruc y gyuo+
eth a|e deilygdaỽt a|e enryded