Philadelphia MS. 8680 – page 48v
Brut y Brenhinoedd
48v
111
a chadỽr iarỻ kernyỽ.
vn yn|y·r anner deheu a|r
ỻaỻ yny ranner asseu.
Ac y|r uydin araỻ y rodet
gereint garannỽys a|bo+
so o|ryt ychenn. Ac y|r dry+
ded y rodet echel vrenhin
denmarc. a ỻeu vab kyn+
uarch brenhin ỻychlyn.
Ac y|r bedwared y rodet
howel uab emyr ỻydaỽ. a
gỽalchmei uab gỽyar
deu nei y arthur. Ac yn
ol y pedeir hynny y gosso+
det pedeir bydin ereiỻ. dra
e|keuyn|ỽynteu. ac y|r gyn+
taf o|r rei hynny y rodet kei
bensỽydỽr. a bedwyr ben+
truỻyat. Ac y|r nessaf
idi y rodet hodlyn iarỻ ru+
thyn. a gỽittart iarỻ pei+
taỽ. Ac y|r dryded. owein o
gaerỻeon. a Jonathal o
gaer weir. ac y|r pedwared
uryen o gaer uadon. A chur+
salem o gaer geint.
112
Ac arthur e|hun a|etholes
ỻeg idaỽ o uarchogyon ar+
uaỽc o chwegỽyr a chỽeu+
geint. a chỽechant a chwe+
mil. Ac rac bronn arthur
seuyỻ y dreic eureit. yr|honn
a|oed yn|ỻe arỽyd idaỽ.
Megys y geỻynt y gỽyr
blin a|r rei ỻudedic brathe+
digyon pan gymheỻei eu
hageu udunt ffo dan yr arỽ+
yd honno megys y gasteỻ
diogel. ~ ~ ~ ~ ~ ~ ~ ~
A Gỽedy ỻunyaethu pob
peth yn|y ansaỽd. arthur
a|dywaỽt ual|hynn ỽrth y
uarchogyon. Vy|ghyt uar ̷+
chogyon kytdiodeuedic ym
ni. chỽi a|ỽnaethaỽch ynys
prydein yn|arglỽydes ar|dec
teyrnas ar|hugeint y aỽch
deỽred chỽi ac y aỽch|moly+
ant y kytdiolchaf ynneu
hynny. Y|molyant nyt yt ̷+
tiỽ yn|paỻu nac yn|dyffygy+
aỽ. namyn yn kynnydu.
| « p 48r | p 49r » |