Philadelphia MS. 8680 – page 49r
Brut y Brenhinoedd
49r
113
Kyt ry uoch chỽi ys pump
mlyned yn arueru o seguryt
heb arueru o arueu a|milỽ+
ryaeth. Yr hynny eissoes ny
choỻassaỽch aỽch anyanaỽl
dayoni. Namyn yn wastat
parhau yn aỽch|bonhedic
daeoni. Kanys y ruuein+
wyr a|gymheỻassaỽch ar
ffo. Y rei a|oed oc eu|syberỽyt
yn keissaỽ dỽyn aỽch|rydit
y gennỽch. ac yn uỽy eu
niuer no|r|einym ni. ac ny
aỻassant seuyỻ yn aỽch er+
byn. namyn yn|dybryt ffo
gan achub y|dinas hỽnn.
Ac yr aỽrhonn y|doant o hỽn+
nỽ drỽy y|dyffryn|hỽnn y
gyrchu aỽuarn. Ac y am
hynn yma y geỻỽch chỽithev
eu kaffel ỽynt yn|dirybud.
ac eu ỻad megys deueit.
Canys gỽyr y|dỽyrein a|de+
bygant bot ỻesged yn·aỽch
chỽi. pan geissynt gỽneuthur
aỽch gỽlat yn trethaỽl udunt
114
Pony wybuant hỽy pa
ryỽ ymladeu a|dyborthas+
saỽch chỽi y wyr ỻychlyn
a|denmarc. ac y dywysso+
gyon ffreinc y rei a|oresgyn+
nassaỽch chỽi. ac a|rydha+
yssaỽch y ỽrth y harglỽydi+
aeth waratwydus ỽy.
Ac ỽrth hynn kan goruu+
am ni yn|yr ymladeu ka+
darnaf hynny. heb amhev
ni a|oruydỽn yn|yr ymla+
deu yskaỽn hynn. os o|vn
dihewyt ac o|un|vryt y
ỻauuryỽn y gyarsagu* yr
hanner gỽyr hynn.
Py ueint o|enryded a med+
yant a|chyuoeth a|geiff
paỽb o·honaỽch chỽi os
megys kytuarchogyon
ffydlaỽn yd uvudheỽch
y|m gorchymynneu yn+
neu. Canys gỽedy gorffom
ni arnadunt. ni a|gyrchỽn
ruuein. a|ni a|gaffỽn y me+
du hi. Ac ueỻy y|keffỽch yr
| « p 48v | p 49v » |