Breudwd Welsh Prose 1300-1425
Cymraeg

Philadelphia MS. 8680 – page 49v

Brut y Brenhinoedd

49v

115

eur a|r aryant. a|r|ỻyssoed
a|r tired a|r kestyỻ. a|r dinas+
soed. Ac eu|hoỻ gyuoeth a
geffỽch. Ac ual yd oed arthur
yn|dywedut hynny ỽrth+
unt. paỽb o|un eir a gadarn+
assant bot yn gynt y|diodef+
ynt agheu. noc yd ymedew+
ynt ac ef. tra uei ef vyỽ o|r
A  Gỽedy gỽ +[ blaen.
ybot o|r amheraỽdyr
y urat yd oedit yn|y|darparu
idaỽ. nyt ffo a|oruc ef megys
y darparyssei. namyn ga+
lỽ y leỽder attaỽ a|chyrchu
y dyffryn hỽnnỽ ar eu|tor.
a galỽ y dywyssogyon at+
taỽ a|dywedut ỽrthunt ual
hynn. Tadeu ennrydedus
o arglỽydiaeth o|r rei y dy+
lyir kynnal teyrnassoed
y dỽyrein a|r|gorỻewin yn
darestygedic udunt. Cof+
ffeỽch aỽch hen·dadeu. y re+
i yr goreskyn eu gelyny+
on ny ochelynt eỻỽng eu

116

priaỽt waet e|hunein. namyn
adaỽ agreiff molyant y|r rei
a|delei gỽedy ỽynt. ac ueỻy
yn uynych y goruydynt. a
chan oruot y gochelynt ageu.
kanys ny daỽ y neb namyn
y|r neb y gỽelo duỽ. ar ansaỽd
y mynno|duỽ a|r amser y
mynno. Ac|ỽrth hynny yd
achỽaneckeynt hỽy gyuoeth
ruuein. ac eu molyant ỽyn+
teu ac eu clot. ac eu|haduỽyn+
der. ac eu haelder. Ac o hynny
y dyrcheuynt ỽynt ac eu har+
glỽydiaeth. ac eu hetiuedyon
ar yr hoỻ uyt. Ac ỽrth hynny
gan damunaỽ kyffroi yn·aỽch
chỽitheu y kyfryỽ hỽnnỽ yd
annogaf|i. hyt pan alwoch
chỽi attaỽch aỽch anyanaỽl
daeoni. ac hyt pan sauoch yn+
di gan gyrchu aỽch gelynyon
yssyd yn aỽch aros yn|y dyffryn
hỽnn gan deissyuyt y gennỽch
aỽch dylyet. Ac na thebygỽ+
ch y mae rac eu houyn hỽy y