NLW MS. Peniarth 19 – page 29v
Brut y Brenhinoedd
29v
115
ac ef. A gỽedy dywedut o|r gen+
nat nat oed namyn ef ac ysw+
ein. Sef a|wnaeth hitheu an+
uon amylder o|eur ac aryant.
ac erchi mynet a|e|that odyno
hyt y|myỽn dinas araỻ. a
chymryt arnaỽ y vot yn
glaf. a gỽneuthur enneint
idaỽ. ac ardymheru y gorff. a
symudaỽ diỻat. a chymryt
attaỽ deugein marchaỽc ac
eu kyweiryaỽ yn hard ac yn
syberỽ o veirch a diỻat ac ar+
ueu. A gỽedy darffei hynny
anuon o|e vlaen att aganipus
vrenhin. ac att y verch y dyw+
edut y vot yn dyuot. A gỽedy
daruot gỽneuthur kymeint
ac a|archyssei hi anuon a|wna+
eth ỻythyreu att y brenhin ac
att y verch ynteu y dywedut
y uot yn dyuot ar y deu·gein+
uet o varchogyon gỽedy y ry
dehol o|e dofyon o ynys pryde+
in yn dyuot y|geissaỽ porth
y|ganthunt ỽynteu y oresgyn
y gyuoeth drachefyn. A phan
gigleu y brenhin hynny kych+
wyn a|wnaeth ef a|e wreic a|e
deulu yn|y erbyn yn anrydedus
mal yd oed deilỽng erbynnye+
it gỽr a vei yn gyhyt ac efo
yn vrenhin yn ynys prydein.
A hyt tra vu yn freingk y rodes
y brenhin lywodraeth y gyuo+
116
eth idaỽ mal y bei haỽs idaỽ gaf+
fel porth a nerth. y oresgyn y gy+
uoeth drachefyn.
A C yna yd anuonet gỽys dros
wyneb teyrnas freingk. y
gynnuỻaỽ hoỻ dewred freingk
y vynet gyt a ỻyr y oresgyn y
gyuoeth drachefyn idaỽ. A|gỽe+
dy bot pob peth yn baraỽt kych+
wyn a|oruc ỻyr. a chordeilla y verch
a|r ỻu hỽnnỽ ganthunt. A cher+
det yny|doethant y ynys prydein.
ac yn diannot ymlad a|e dofyon
a|chael y vudugolyaeth. A gỽedy
gỽedu pob peth idaỽ ef y bu uarỽ
llyr yn|y dryded vlỽydyn. ac y bu uarỽ
aganipus vrenhin freingk. ac
yna y kymerth cordeiỻa lywodra+
eth y deyrnas yn|y ỻaỽ e|hun. ac y
cladwyt ỻyr y|myỽn daeardy
a|wnathoed e|hun ydan auon sor+
ram. a|r demyl honno a|wnathoed
ef yn anrydedus y|r duỽ a|elwit
yna bitronsiani. A phan delei
wylua y demyl honno y|deuei
gredyfwyr y dinas a|r wlat o|e
anrydedu. ac y dechreuit pob gỽ+
eith o|r a|dechreuit hyt ym·penn
y vlỽydyn. A|gỽedy gỽledychu
pump mlyned o gordeiỻa yn
dagnefedus. y kyuodes y|deu
nyeint yn|y|herbyn. Morgan
uab maglaỽn tywyssaỽc yr al+
ban. a chuneda vab henwyn tyỽ+
yssaỽc kernyỽ. a|llu aruaỽc ganth+
unt
| « p 29r | p 30r » |