NLW MS. Peniarth 5 (The White Book of Rhydderch, part 1) – page 89r
Ystoria Carolo Magno: Rhamant Otfel
89r
123
a|hediỽ yn goruot arnam ni yn
deu ymỽahanu. kynn vy marỽ
hagen mi a vynnaf dy broui.
a|tharaỽ pagann a ỽnaeth ar
ỽarthaf y helym. a hollti y|holl
aruev a|e benn yntev hyt y|dan+
hed. A rolond yna a elỽis arnaỽ
ac ny|s kiglev rac meint o|r
paganneit a|oedynt yn|y|gyl+
ch val na ỽydat pa parth gynn ̷+
taf yd ymdroei y ymdiffryt
racdunt. Ac ysquiereit rei
o|r saracinneit yna yn|dieidyl.
ac a geissassant y lad. ac yn+
tev a ymdifferth yn rymus.
ac yn hynny yd arganuu cla+
rel vrenhin ef yn diodef llaỽ+
er o agkyffret. ac yntev hef+
uyt yn rodi dyrnodev agheu+
aỽl a|e gledyf. ac erchi a|ỽna+
eth clarel y|r ysquiereit pei ̷+
daỽ ac ef. a|dyỽedut ỽrthaỽ
yntev. Oger heb ef dyro laỽ
ymi. ac na uit arnat vn of+
yn. ti a elly ymdiret ynof|i yn
diogel it. ac ny|cheffy vn drỽc
tra allỽyf|i dy amdiffynn. heb+
y moafle vn o|r ysquiereit ny
elly dithev heb ef y amdiffyn
ef. ti a|e gỽely ef yr aỽr honn
hayach ỽedy yr dryllaỽ yg|gỽ+
yd dy lygeit pob dryll y ỽrth
y|gilyd. Ac yna y kigleu cla+
rel y geireu hynny. ac yd yn+
vydỽys haeach o|lit a|thynnv
cledyf a oruc a|tharaỽ penn
124
moafle y arnaỽ hyt yn eithaf
y|maes. a dyỽedut vrthaỽ ỽedy
hynny. ti a beidy bellach heb ef.
ac oger. a chaffel march da a|ỽn+
aeth. a pheri y oger ysgynnv ar+
naỽ. ac odyna galỽ ar ỽyth
saracin o|e|lys e|hun o rei mỽy+
haf yd ymdiredei yndunt attav.
a|dyỽedut ỽrthunt. arglỽydi
heb ef ystyryỽch am ych neges
yn|da. a hebrygỽch hỽnn at al+
fani vyg|gorderch. ac erchỽch
idi peri y|gadỽ yn|da. a gellỽg
chỽech y·gyt ac oger a ỽnaeth
a rei hynny a beris idaỽ edrych
y archollev yn vynych tra vuant
ygyt ac ef. a phann yttoed al+
phani merch y brenhin yn|troi
ac yn gỽare yn|y berllan. a|gỽ+
are. a belam y dỽy vorynyon
ereill vonhedic y·gyt a|hi y
gỽelynt y paganneit hynny
yn dyuot. ac y|dyỽat vn ohon+
unt ỽrth y lleill. aỽn y|gyfrỽch
a|hỽy heb hi. ac y amouyn am
eu hansaỽd a|e medỽl Ac yna
y|dyỽat alfani vrthunt. ha va+
rỽnneit heb hi. kyuarhoỽch
ni a|dyỽedỽch yn hỽedlev pa
du y kyuaruuỽyt a|r marcha+
ỽc hỽnn. ae yn|y vrỽydyr y|de+
lit ef. ac yr vrathỽyt val hynn.
vn·bennes vonhedic heb·yr al+
mafetheu. yr mahumet paham
y gỽettỽery di ni. kymeint
yỽ heuyt an llit yn yn callon+
| « p 88v | p 89v » |