Philadelphia MS. 8680 – page 51v
Brut y Brenhinoedd
51v
123
brenhin nidif heb didarbot
pa|beth a|damweinei idaỽ
gan gaffel dial y eỽythyr o+
honaỽ. Ac o|r|diỽed ef a|gaf+
as dyuot hyt y ỻe yd oed uren+
hin nidif. ac a|e|kymerth
o blith y vydin. ac a|e|duc
gantaỽ hyt yd oed gorff bed+
wyr. Ac yno y|dryỻyaỽ yn
dryỻeu man. ac odyna go+
ralỽ ar y gedymdeithon. a
chan eu hannoc kyrchu eu
gelynyon yn uynych. me+
gys gan atnewydu eu ner+
th hyt pan yttoedynt eu
gelynyon yn ofnaỽc. ac eu
caỻonnoed yn|crynu.
Ac ygyt a|hynny kywrei+
nach y kyrchynt y brytany+
eit o|e dysc ynteu. a chreulo+
nach y gỽneynt aerua.
Ac ỽrth hynny grym ac an+
gerd o|e annoc ef a|gymer+
assant y brytanyeit. a|dỽyn
ruthur y eu|gelynyon. ac
o|pob parth udunt diruaỽr
124
aerua a|orucpỽyt. Y ruuein+
wyr yna y·gyt ac anneirif
o vilioed y|syrthassant.
Ac yna y ỻas aliphant vren+
hin yr yspaen. a misipia
vrenhin babilon. a|chỽintus
miluius. A marius lepidus
senedỽr. Ac o barth y bryta+
nyeit y syrthỽys hodlyn iarỻ
ruthun. a leodogar iarỻ bol+
wyn. a thri thywyssaỽc ere+
iỻ o ynys prydein. Nyt amgen
cursalem o gaer geint. a
gỽaỻaỽc uab ỻywynnaỽc o
salysbri. ac vryen o|gaer
uadon. Ac ỽrth hynny gw+
anhau a|ỽnaethant y bydi+
noed yd|oedynt yn|y ỻywyaỽ.
ac enkil dracheuyn hyt ar
y|uydin yd oed howel uab e+
myr ỻydaỽ a gỽalchmei uab
gỽyar yn y ỻywyaỽ. A|phan
welas y gỽyr hynny eu|kedym+
deithon yn ffo. Enynnu o
lit megys fflam tan yn e+
nynnu godeith gan alỽ y
| « p 51r | p 52r » |