Philadelphia MS. 8680 – page 52r
Brut y Brenhinoedd
52r
125
rei a|oedynt ar|ffo a|chyrchu
eu|gelynyon. a chymeỻ ar|ffo
y|rei a|oedynt yn eu|herlit
ỽynteu kyn|no hynny gan
eu bỽrỽ ac eu ỻad. a gỽneu+
thur aerua heb orffowys o+
nadunt hyt pan deuthant
hyt ar uydin yr amheraỽdyr.
A|phan|welas yr amheraỽdyr
yr aerua o|e wyr. bryssyaỽ a|o+
ruc yn|borth udunt. ac y+
na y gỽnaethpỽyt y bryta+
nyeit yn ueirỽ. kanys kyn+
uarch dywyssaỽc trigeri a
dỽy uil gyt ac ef a|las yna.
Ac yna y ỻas o|r parth a+
raỻ trywyr nyt amgen
rigỽlff a bolconi. a ỻawin
o uotlan. A phei bydynt tyỽ+
yssogyon teyrnassoed. yr
oessoed a|delynt gof hyt ar
vraỽt. ac a|enrydedynt eu
molyant ac eu clot. ac eisso+
es pỽy bynnac a|gyfarffei
a|howel neu a gỽalchmei oc
eu gelynyon. ny diagei a|e ene+
126
it gantaỽ. A|gỽedy eu dy+
uot ygyt megys y dywes+
pỽyt uchot hyt ymplith
bydin yr amheraỽdyr yn
damgylchynedic oc eu ge+
lynyon y syrthassant y
trywyr hynny. Ac ỽrth
hynny howel a gỽalchmei
y rei ny magyssit yn yr oes+
soed kyn|noc ỽynt neb weỻ
noc ỽynt. pan welsant yr
aerua oc eu kedymdeithon.
yn wychyr y kyrchassant
hỽnt ac yman. vn o bop
parth yn gyffredin yn|dyw+
alhau ac yn blinhau bydin
yr amheraỽdyr. Ac megys
ỻucheit yn|ỻad a|gyfarffei
ac ỽynt. Ac yn annoc eu
kedymdeithon. a gỽalch+
mei yn damunaỽ o|e|hoỻ
dihewyt ymgaffel a|ỻes
amheraỽdyr. y gymeỻ ar+
naỽ pa beth a|digonei ym
milỽryaeth. ac nyt oed haỽd
barnu pỽy oreu ae hoỽel
[ ae gỽalchmei. ~
| « p 51v | p 52v » |