Breudwd Welsh Prose 1300-1425
Cymraeg

NLW MS. Peniarth 4 (The White Book of Rhydderch, part 2) – page 32r

Peredur

32r

125

Dioer heb·ẏr owein vab vrẏen ỽrth kei.
drỽc ẏ medreist am dẏn fol a ẏrreist ẏn
ẏ marchaỽc. ac vn o|deu a|r|derẏỽ ae uỽrỽ
ae lad. os ẏ uỽrỽ rẏ|derẏỽ eirẏf gỽr mỽ  ̷ ̷+
ẏn a uẏd arnaỽ gan ẏ marchaỽc ac ag  ̷+
lot tragẏwẏdaỽl ẏ arthur a|e vilwẏr.
os ẏ lad a derẏỽ; ẏr aglot val kẏnt a
gertha. a|e bechaỽd arnat titheu. ẏn
achwanec. ac nẏ chattỽẏf|i vẏ ỽẏneb
onẏt af|i ẏ ỽẏbot pẏ gẏfranc a derẏỽ
idaỽ. ac ẏna ẏ doeth owein racdaỽ parth
a|r weirglaỽd. a|phan daỽ ẏd|oed peredur
ẏn lluscaỽ ẏ gỽr ẏn ẏ ol ar hẏt ẏ weirgla  ̷+
ỽd. a unben heb·ẏr owein aro. mi a|dios  ̷ ̷+
glaf ẏr arueu. nẏ daỽ bẏth heb·ẏ peredur
ẏ peis haẏarn hon ẏ amdanaỽ. ohonaỽ
e|hun ẏd henẏỽ. Yna   y ẏ|dioscles o  ̷+
wein ẏr arueu a|r dillat. llẏma itti e  ̷+
neit heb ef weithon march ac arueu
gỽell no|r rei ereill. a|chẏmer ẏn llaỽen
ỽẏnt a|dẏret gẏt a|mi ar arthur a|th
vrdaỽ ẏn varchaỽc urdaỽl a gehẏ. nẏ
chatỽẏf vẏ ỽẏneb heb·ẏ peredur ot af.
namẏn dỽc ẏ gorflỽch ẏ genhẏf|i ẏ|wen  ̷+
hỽẏfar. a|dẏwet ẏ arthur. pẏ le|bẏnhac
ẏ bỽẏf; gỽr idaỽ vẏdaf. ac o gallaf les
a gỽassanaeth idaỽ mi a|e gỽnaf. a|dẏ  ̷+
wet idaỽ nat af ẏ lẏs vẏth hẏnẏ ẏm  ̷+
gaffỽẏf a|r gỽr hir ẏssẏd ẏno ẏ dial sar  ̷+
haet ẏ corr a|r gorres. Yna ẏ doeth oỽe+
in racdaỽ ẏ|r llẏs ac ẏ|menegẏs ẏ|gẏf  ̷+
ranc ẏ arthur a gỽenhỽẏfar ac ẏ ba+
ỽb o|r teulu. a|r bẏgỽth ar kei. ac ẏnteu
peredur a|gerdỽẏs racdaỽ ẏ ẏmdeith.
ac val ẏ bẏd ẏn kerdet llẏma var  ̷+
chaỽc ẏn kẏfaruot ac ef. Pẏ le pan

126

deuẏ ti heb ẏ marchaỽc. Pan
deuaf o lẏs arthur heb ef. ae
gỽr ẏ arthur ỽẏt|i. Je mẏn vẏg
cret heb ef. Jaỽn lle ẏd ẏmardelỽ
o arthur. pa·ham heb·ẏ peredur.
Mi a|e dẏwedaf it heb ef. Herỽr
a|dieberỽr ar arthur uum|i eir+
oet. ac a gẏhẏrdỽẏs a mi o ỽr idaỽ
mi a|e lledeis. Nẏ bu hỽẏ no
hẏnnẏ. ẏmwan a|orugant. ac
nẏ bu bell ẏ buant. peredur a|e
bẏrẏỽẏs hẏnẏ uu dros pedrein
ẏ varch ẏ|r llaỽr. Naỽd a|erchis
ẏ marchaỽc. naỽd a|gehẏ heb·ẏ
peredur gan dẏ lỽ ar vẏnet ẏ|lẏs
arthur. a|menegi ẏ arthur mae
mi a|th vẏrẏaỽd ẏr enrẏded
a gỽassanaeth idaỽ. a|manac
idaỽ na sagaf ẏ lẏs vẏth hẏnẏ
ẏmgaffỽẏf a|r gỽr hir ẏssẏd ẏno
ẏ dial sarhaet ẏ corr a|r gorres.
a|r marchaỽc gan ẏ gret ar|hẏn+
nẏ a|gẏchwẏnnỽẏs racdaỽ lẏs
arthur. ac a|uenegis ẏ|gẏfranc
ẏn llỽẏr a|r bẏgỽth ar gei. ac
ẏnteu peredur a|gerdaỽd racdaỽ
ẏ ẏmdeith. ac ẏn ẏr vn ỽẏthnos
ef a gẏfaruu ac ef vn marchaỽc
ar bumthec. ac a uẏrẏỽẏs pob un
ac a doethant racdunt lẏs arthur
a|r vn parabẏl ganthunt ac ẏ
gan ẏ kẏntaf a|uẏrẏỽẏs a|r vn|bẏ+
gỽth ar gei. a cherẏd a gafas kei
gan arthur a|r teulu. a goualus
uu ẏnteu am hẏnnẏ. Ynteu
peredur a|gẏchwẏnỽẏs ẏmdeith