NLW MS. Peniarth 19 – page 32v
Brut y Brenhinoedd
32v
127
ufud a|wnaethant a rodi da+
rostygedigaeth udunt. ac u+
vudhau a|wnaethant. ac adaỽ
teyrnget udunt bop blỽydyn
o ruuein gan gannyat sened
ruuein yr gadu tagnefed ud+
unt. a rodi gỽystlon a cheder+
nyt ar gywirdeb. A gỽedy ym+
choelut beli a|bran y ỽrth ru+
uein. a chyrchu parth a ger+
mania. ediuarhau a|wnaeth
gỽyr ruuein gỽneuthur y
dagnefed na rodi eu gỽystlon
ueỻy. Sef a|wnaethant drỽy
dỽyll lluydyaỽ yn eu hol. a
mynet yn borth y wyr ger+
mania. a|phan|doeth y chỽed+
yl hỽnnỽ att veli a bran. Sef
a|wnaethant ỽynteu ỻidiaỽ
yn vỽy no meint. am ry wne+
uthur ac ỽynt kyfryỽ dỽyỻ
a|hỽnnỽ. a medylyaỽ pa furyf
y geỻynt ymlad a|r deulu. a
gỽyr ruuein. a gỽyr germa+
nia. Sef a gaỽssant yn eu kyg+
hor trigyaỽ beli a|r brytanye+
it ganthaỽ y ymlad a germa+
nia ac o|e darostỽg. a mynet
bran ar freingk. a|r bỽrgỽyn
ganthaỽ y geissyaỽ dial eu
tỽyỻ ar wyr ruuein. A phan
doeth diheurỽyd o|hynny att
y ruueinwyr. Sef a|wnaethant
ỽynteu bryssyaỽ drachevyn y
geissyaỽ ruuein o vlaen bran
128
ac adaỽ gỽyr germania. A gỽe+
dy kaffel o veli y chwedyl hỽnnỽ.
Sef a|wnaeth ynteu ef a|e|lu y
nos honno eu kydyaỽ ỽynteu
y myỽn glynn dyrys a|oed ar
eu ford. A phan doeth gỽyr ru+
uein drannoeth y|r glynn hỽnnỽ.
y gỽelynt y glynn yn echtyỽyn+
nu gan yr heul yn disgleiryaỽ
ar arueu eu gelynyon. A chym+
raỽ a|wnaethant o tebygu mae
bran a|e lu a|oed yn eu ragot. Ac
yna gỽedy eu kyrchu o veli ỽynt
yn diannot. Sef a|wnaethant
y ruueinwyr gỽasgaru yn di+
aruot a|ffo yn waradỽydus. ac
eu herlit a|wnaeth y brytanye+
it udunt yn greulaỽn tra|bar+
haaỽd y dyd gan wneuthur a+
erua drom o·nadunt. a chan y
vudugolyaeth honno yd aeth
hyt att vran y vraỽt a|oed yn
eisted ỽrth ruuein A gỽedy eu dy+
uot y·gyt dechreu ymlad a|r di+
nas. a briỽaỽ y muryoed. ac yr
gỽattwar y wyr ruuein drych+
afel crocwyd rac bronn y gaer.
a menegi udunt y crogynt eu
gỽystlon yn|diannot ony rod+
ynt y dinas. a dyuot yn eu hew+
yỻys. A gỽedy gỽelet o veli a|bran
wyr ruuein yn ebryvygu eu gỽ+
ystlon. Sef a|wnaethant ỽynteu
gan flemychu o antrugaraỽc
irỻoned peri crogi pedwar gỽystyl.
| « p 32r | p 33r » |