Breudwd Welsh Prose 1300-1425
Cymraeg

NLW MS. Peniarth 5 (The White Book of Rhydderch, part 1) – page 92v

Ystoria Carolo Magno: Pererindod Siarlymaen

92v

133

hỽyntev. A gỽedy hynny o
ymadrodyon ef a ymhoeles
y brenhin bonhedic ar y niuer
ac eu hannoc y gerdet. mal
y|gellynt gvplav eu llauur. a
chymessuraỽ diỽarnnodev. ac
eu hymdeithev. val y gellynt
perffeithaỽ eu hynt. Adaỽ fre+
inc a|orugant. a|bỽrgỽin. a|r al+
maen. a groec. a|hỽngri. ny|bv
yn hynny nac a|vei nac a|allei
eu llesteiraỽ. Ac ual na bo hỽy
na blinach yr ymadraỽd noc
y|bu yr hynt vdunt hỽyntev.
hỽynt a doethant y|r dinas kys+
segredic. a gvedy gỽneuthur
offrymev dylyedus. a gỽassana+
eth duỽ yn gyntaf. herỽyd gor+
chymun yr euegyl. yn herỽyd
dylyedus wassannaeth. ac vrdas.
odyna ỽynt a|gymerassant eu
llettyev. ac eu gl˄ỽedev*. ac eu han+
regyon. ac eu gỽirodev y|baỽp
onadunt herỽyd eu hanryded.
pan dyuu y|bore trannoeth y
brenhin a|e ỽyrda a|gyrchassant
mynyd oliuet. ac yna y|doeth+
ant ẏ|r eglỽys yn|yr honn y|gre+
dir ry|dyỽedut o|r arglỽyd a|e
deudec ebestyl y pader yn gyn+
taf. ac yno y dyỽediit bot y deu+
dec cadeir yn eisteduaev y|r deu+
dec ebestyl pan dyỽat yr arglỽ  ̷+
yd y|pader. a|r tryded eistedua ar
dec yg|kymherued y|rei hynny.
yr honn a|gredir y bot yn eisted+

134

ua yr arglỽyd. At y kreirev kys+
segredic y|nessaỽys y brenhin bon+
hedic yn llaỽen. ac y gorffoỽy+
ssỽys ychydic gann y eisted y+
n|y gadeir gymheruedaf. a|r deu+
dec gogyuurd o freinc a eistedas+
sant yn|y cadeirev ereill eu bren+
hin. ygkylch eu brenhin. ac ar
hynny nachaf ideỽ ry doethoed
o bell yn eu hol. a doeth y|r eglỽ+
ys. a phan ỽelas ef y brenhin
a|r tyỽyssogyon yn|y gylch. ym+
gynnull a|oruc yn diruaỽr ofyn
a|sythu. a chilyaỽ o|r eglỽys. a
chyrchu kyndrycholder y|padri+
arch. ac adolỽyn idaỽ y vedyaỽ*
yn diannot. a dyỽedut a|oruc
ry|ỽelet ohonaỽ yr arglỽyd. a|e
deudec ebestyl yn eisted yn|y gyl+
ch yn|yr eglỽys a|dyỽetpỽyt
vchot. Ac gỽedy bedydyaỽ yr
ideỽ. a galỽ kynnulleitua y|di+
nas y|vynet y brocessiỽn parth
a|r eglỽys a|dyỽetpỽyt vchot
ỽynt a|gerdassant parth ac yno
dan ganv ympnev*. a|chyỽydoly+
aethev. A phan ỽelas charlys
y vydyn honno yn dyuot y|r e+
glỽys. a|r padriarch herỽyd y
vrdas yn ol y|dỽybleit yr hỽnn
a|vanagei y padriarchaỽl abit
y|vot yn padriarch. kyuodi ef
a|e ỽyrda a|orugant yn|y erbyn
ef a|dinoethi eu pennev. ac yn
vuyd darestygedic erchi y ven+
dith. a chymryt y ganthaỽ e+