NLW MS. Peniarth 19 – page 35r
Brut y Brenhinoedd
35r
137
vlỽydyn o|e deyrnas. Ac yna y doeth
Jdwal uab owein y|gar yn|y le. a
hỽnnỽ a|wnaeth Jaỽnder a gỽiri+
oned rac ofyn damchwein y|gar.
Ac yn ol Jdwal y doeth Run uab
paredur. ac yn ol run y doeth. Ge+
reint uab elidyr. ac yn ol gere+
int y doeth cadeỻ y vab. ac yn
ol cadeỻ y doeth coel. ac yn ol co+
el y doeth porrex. ac y borrex y
bu tri meib. fulgen. ac eidal. ac
andryỽ. a|r rei hynny a|wledych+
aỽd pob un ol yn|ol. Ac yn eu
hol ỽynteu y doeth vryen uab
andryỽ. ac yn|y ol ynteu y doeth
eluyd. ac yn ol eluyd y doeth
clydaỽc. ac yn ol clydaỽc y doeth
clydno. ac yn ol clydno y doeth
gorỽst. ac yn ol gorỽst y doeth
meiryaỽn. ac yn ol meiryaỽn
y|doeth bleiddut. ac yn ol bleid+
dut y|doeth caph. ac yn ol caph
y doeth owein. ac yn ol owein y
doeth seisyỻ. ac yn ol seisyỻ y do+
eth blegywryt. ac ny bu yn|yr
oessoed kywydỽr kystal ac efo. ac
rac daet y kanei y gelwit efo
duỽ y gwaryeu. ac yn|y ol ynteu
y|doeth armael y vraỽt. ac yn
ol armael y doeth eidol. ac yn ol
eidol y doeth rydyon. ac yn ol
Rydyon y doeth ryderch. ac yn ol
Ryderch y doeth Saỽyl benn
uchel. ac yn ol saỽyl y|doeth pyrr.
ac yn ol pyrr y doeth kapoyr. ac
138
yn ol kapoyr y doeth Mano+
gan y vab ynteu gỽr prud hy+
naỽs oed hỽnnỽ. ac yn ol ma+
nogan y doeth beli maỽr y vab
ynteu. a|deugein mlyned y bu
vrenhin beli ar ynys prydein.
a|thri|meib a|vu idaỽ. ỻud. a
chasswaỻaỽn. a nynyaỽ. A gỽe+
dy marỽ beli maỽr y drychaf+
ỽyt ỻud y mab hynaf idaỽ yn
vrenhin. y|gỽr a|vu gỽedy hyn+
ny ogonedus adeilyaỽdyr kaer+
oed a|chestyỻ. a|dinassoed ere+
iỻ. Ef a atgyweiryaỽd tyroed
ỻundein a|e muryoed. a chyt
bei idaỽ ef laỽer o dinassoed
ereiỻ. Hỽnnỽ eissyoes a garei
yn vỽy no|r vn. Ac ỽrth hynny
y gelwit kaer lud. a|gỽedy|hyn+
ny drỽy lygru y henỽ y gelw+
it ỻundein. A phan vu uarỽ
ỻud y cladwyt yn ỻundein ge+
yr·ỻaỽ y porth a|elwir etto o|e
enỽ ef porth ỻud. yn saesnec
lỽt·ysyat. a deu uab a|vu idaỽ.
auarỽy. a theneuan. A phan
vu varỽ ỻud nyt oed oet ar
un o·nadunt ual y geỻit y
wneuthur yn vrenhin. ac ỽrth
hynny y gỽnaethpỽyt kassw+
aỻaỽn eu hewythyr yn vrenhin.
ac ymdrychafel a|wnaeth yn+
teu yn haelder a|daeoni yny
yttoed y volyant dros y teyrn+
assoed peỻaf. ac ỽrth hynny
| « p 34v | p 35v » |