Philadelphia MS. 8680 – page 55r
Brut y Brenhinoedd
55r
137
yn|ỻawer o gynhenneu.
Ac o|r|diwed kyt bei drỽy dir+
uaỽr lauur a|thrỽy eu|ỻad.
arthur a|e lu a gauas y tir.
A chan dalu yr aerua ỽynt a
geỻassant* uedraỽt a|e lu ar|ffo.
a chyn bei mỽy eiryf ỻu me+
draỽt no ỻu arthur. Eissoes
kywreinach a|doethach yd|ym+
ledynt o|beunydyaỽl ymlad+
eu. Ac ỽrth hynny y bu dir
yr anudonaỽl gan vedraỽt
gymryt y ffo. A|r|nos honno
gỽedy ymgynuỻaỽ y|wasga+
redic lu y·gyt yd|aeth hyt yg
kaerwynt. A gỽedy clybot
o wenhỽuar hynny. diobei+
thaỽ a|oruc a|mynet o gaer
efraỽc hyt yg|kaer ỻion ar
wysc. ac y|myỽn manaclaỽc*
gỽraged a|oed yno. gỽiscaỽ
yr abit ymdanei. ac adaỽ ca+
dỽ y diweirdeb yn eu plith o
hynny aỻan. a|r abit honno
a|uu ymdanei hyt agheu.
A C odyna arthur a gy+
138
merth ỻit maỽr yndaỽ.
am goỻi ohonaỽ y saỽl
uilioed hynny. a|pheri
cladu y wyr. a|r trydyd dyd
kyrchu kaer wynt a|oruc
ac yn|diannot y chylchy+
nu. Ac yr hynny ny phei+
dyỽys medraỽt a|r hynn
a|dechreuassei. namyn
gan annoc y wyr eu|gossot
yn uydinoed. a|mynet a+
ỻan|o|r dinas y ymlad ac
arthur y ewythyr.
A|gỽedy dechreu ymlad. a+
erua uaỽr o bop parth a|ỽ+
naethant. ac eissoes mỽ+
yaf uu yr aerua o wyr me+
draỽt. Ac yn|dybryt kymeỻ
arnaỽ adaỽ y maes. Ac ny
hambỽyỻỽys medraỽt yna
gohir ỽrth gladu y ladedi+
gyon. namyn ffo a|oruc
parth a|chernyỽ. Ac ỽrth
hynny arthur yn|bryderus
ac yn ỻidyaỽc o|achaỽs di+
anc y tỽyỻỽr y gantaỽ. yn|y
| « p 54v | p 55v » |