NLW MS. Peniarth 19 – page 35v
Brut y Brenhinoedd
35v
139
y kafas ynteu bot yn vrenhin.
Ac eissyoes herwyd y warder ef
ny mynnaỽd bot meibyon ỻud
yn|dirran o|r|deyrnas. namyn
rodi y auarỽy lundein a Jarỻ+
aeth geint. ac y deneuan Jarỻa+
eth kernyỽ. ac idaỽ e|hun coron
y deyrnas. ~ ~ ~ ~ ~ ~ ~ ~ ~
A C yn yr amser hỽnnỽ me+
gys y keffyr yn ystoryaeu
gỽyr ruuein. Gỽedy daruot y
ulkessar oresgyn freingk. a
dyuot hyt yg|glann y mor a|r
traeth. A gỽedy arganuot o+
honaỽ odyno ynys prydein. a
gỽybot py dir oed. a phỽy oed
yn|y chyuanhadu*. y dywaỽt
mae vn genedyl oed wyr ruue+
in a|r brytanyeit. kanys o ene+
as y hanhoedynt ỽy a|r bryta+
nyeit. ac eissyoes o|m tebyc i
heb ef. neur deryỽ udunt ỽy
digenedylu y ỽrthym ni. kanny
wdant beth yỽ milỽryaeth
ỽrth eu bot y myỽn eigyaỽn
odieithyr y byt yn pressỽyl+
aỽ. ac ỽrth hynny heb ef haỽd
yỽ eu kymeỻ y dalu teyrnget
y ruueinyaỽl amherodraeth
megys y tal yr hoỻ vyt. Ac
eissyoes heb ef iaỽn yỽ an+
uon y erchi teyrnget udunt
kynn ỻauuryaỽ gỽyr kym+
eint a gỽyr ruuein y eu kym+
meỻ. ac rac codi priaf hen
140
yn hen·dat ni gan oỻỽng gwaet
yn kereint. A|r ymadraỽd hỽnnỽ
a|do·des ulkessar y|myỽn ỻythyr
ac a|e hanuones att gasswaỻa+
ỽn uab beli brenhin y bryta+
nyeit. A phan datkanỽyt y
gasswaỻaỽn y ỻythyr. sorri a|oruc.
ac anuon ỻythyr att ulkessar
a|oruc ynteu yn|y mod hỽnn.
K asswaỻaỽn brenhin y bry+
tanyeit yn anuon annerch
y ulkessar. a ryuedu meint sy+
chet a chwant a chwant gwyr
ruuein y eur ac aryant. mal
na adant dynyon odieithyr y
byt ual yd|ym ni heb ef yn dio+
def perigleu yr eigyaỽn y|myỽn
ynyssed heb gymeỻ teyrnget
arnadunt. a menegi idaỽ nat
oed digaỽn ganthaỽ geissyaỽ
teyrnget namyn tragywydaỽl
geithiwet a bỽrỽ eu rydit y gan+
thunt. yr honn yr oedynt ỽy yn
buchedockau ohonei. a menegi
y ulkessar. nat herwyd keithiw+
et y dylyei adolỽyn udunt. na+
myn herỽyd kerennyd. kanys
o vn ỻin pan hanhoedynt. ka+
nys rydit a ordyfnassynt ỽy
yn gymeint. ac na wydynt
beth oed geithiwet. a|r rydit
honno pei keissyer y dwyweu
y dỽyn y gennym. ni a|lafury+
em yn|y veint y gaỻem yn|y
hamdiffyn. Ac ỽrth hynny
| « p 35r | p 36r » |