NLW MS. Peniarth 4 (The White Book of Rhydderch, part 2) – page 36r
Peredur
36r
141
a|wnaei ẏno a|phỽẏ oed. a rac meint
medỽl peredur ar ẏ|wreic uỽẏhaf a|ga ̷ ̷+
rei nẏ rodes atteb idaỽ. Sef a|wnaeth
ẏnteu gossot a gỽaẏỽ ar peredur ac ẏnteu
peredur a ẏmchoeles ar ẏ maccỽẏ tros
pedrein ẏ varch ẏ|r llaỽr. ac ol|ẏn|ol
ef a|doeth petwar marchaỽ* ar huge ̷ ̷+
int. ac nẏt attebei ef ẏr vn mỽẏ
no e gẏlid namẏn ẏr vn gỽare a|phob
vn. ẏ|wan ar vn gossot tros ẏ|varch
ẏ|r llaỽr. Ẏnteu gei a doeth attaỽ ef
ac a|dẏwaỽt ẏn disgethrin anhẏgar
ỽrth peredur. a|pheredur a|e kẏmerth
a|gỽaẏỽ dan ẏ dỽyen. ac a|e bẏrẏỽẏs
ergẏt maỽr ẏ ỽrthaỽ hẏnẏ torres
ẏ vreich a gỽahell ẏ ẏscỽẏd. a|thra
ẏttoed ef ẏn|ẏ varỽlewic rac meint
ẏ dolur a|gaỽssei ẏd|ẏmhoelaỽd ẏ
varch a|thuth graỽth ganthaỽ. a|ph ̷+
an ỽẏl paỽb o|r teulu ẏ march ẏn dẏ+
uot heb ẏ gỽr arnaỽ. ẏ doethant ar
vrẏs parth a|r lle ẏ bu ẏ gẏfranc. a ̷
phan doethant ẏno; ẏ tẏbẏassant rẏ ̷
lad kei. gỽelsont hagen o|r kaffei
veddic ẏ gẏuanhei ẏ ascỽrn ac a|rỽ ̷ ̷+
ẏmei ẏ|gẏmaleu ẏn|da; na|hanbẏ ̷+
dei waeth. Nẏ|sẏmudaỽd peredur
ẏ ar ẏ vedỽl mỽẏ no chẏnt ẏr gỽe ̷+
let ẏ penẏal am pen kei. ac ẏ|deuth ̷+
pỽẏt a|chei hẏt ẏm|pebẏll arthur.
ac ẏ|peris arthur vedẏgẏon kẏw ̷+
rein attaỽ. Drỽc uu gan arthur
kẏfaruot a|chei ẏ gofit hỽnnỽ.
kanẏs maỽr ẏ karei. ac ẏna ẏ|dẏ ̷+
waỽt gỽalchmei nẏ dẏlẏei neb
kẏffro marchaỽc vrdaỽl ẏ ar ẏ|me ̷ ̷+
142
dỽl ẏ|bei arnaỽ ẏn aghẏfartal.
kanẏs atuẏd ae collet ar dothoed
idaỽ. neu ẏnteu ẏn medẏlẏaỽ
am ẏ wreic uỽẏhaf a|garei. a|r
aghẏfartalỽch hỽnnỽ ac atuẏd a
gẏfaruu a|r gỽẏr a amwelas ac ef
ẏn diwethaf. ac o|r bẏd da genhẏt
ti. arglỽẏd miui a af ẏ edrẏch a sẏ ̷ ̷+
mudaỽd ẏ marchaỽc ẏ ar ẏ medỽl
hỽnnỽ. ac os vellẏ ẏ|bẏd. mi a|arch ̷ ̷+
af idaỽ ẏn hẏgar dẏuot ẏ ẏmwe ̷ ̷+
let a|thi. ac ẏna ẏ sorres kei ac ẏ
dẏwaỽt geireu dic keinuigenvs.
Gỽalchmei heb ef hẏspẏs yỽ gen ̷+
hẏf|i ẏ deuẏ ti ac ef herwẏd ẏ ẏafỽẏ+
neu. clot bẏchan hagen ac etmẏc
ẏỽ itt oruot ẏ|marchaỽc lludedic gỽe+
dẏ blinho ẏn ẏmlad. vellẏ hagen
ẏ gorfuost ar lawer onadunt ỽẏ.
ac hẏt tra barhao genhẏt ti dẏ|taua+
ỽt a|th|eireu tec. digaỽn vẏd it o|r
arueu. peis o uliant teneu ẏmdanat.
ac nẏ bẏd reit it torri na gỽaẏỽ na
chledẏf ẏr ẏmlad a|r marchaỽc a|gef+
fẏch ẏn ẏr ansaỽd honno. ac ẏna ẏ
dẏwaỽt gỽalchmei ỽrth gei. Ti a
allut dẏwedut a|uei hẏgarach pei
as|mẏnhut. ac nẏt attaf|i ẏ|perthẏn
itti dial dẏ ulỽg a|th dicofeint. Tebic
ẏỽ genhẏf|i hagen ẏ dẏgaf|i ẏ|march+
aỽc gẏt a mi heb torri na breich nac
ẏscỽẏd imi. Yna ẏ|dẏwaỽt arthur
ỽrth walchmei. mal doeth a|phỽẏllic
ẏ dẏwedẏ ti. a dos titheu ragot a chẏ+
mer digaỽn o arueu ẏmdanat. a
dewis dẏ varch. Gỽiscaỽ a|wnaeth
| « p 35v | p 36v » |