NLW MS. Peniarth 19 – page 37r
Brut y Brenhinoedd
37r
145
yd oed hỽnnỽ megys oen gwa+
redaỽc. ac ny orfoỽyssaỽd a|r
gỽaredogrỽyd hỽnnỽ. drỽy eu
claerhau ac eu hedychu ac eu
tagnefedu yny duc yn vn ac
ef. Ac yn yr amser hỽnnỽ nyt
oed na chywyd nac ymdidan
namyn am fo ulkesar a budu+
golyaeth y brytanyeit.
A C ym·penn dỽy vlyned
eilweith paratoi ỻyghes
a|oruc ulkesar y geissyaỽ di+
al ar gaswaỻaỽn y sarhaet
a|wnathoed idaỽ. A phan gi+
gleu kaswaỻaỽn hynny. ka+
darnhau y gestyỻ a|oruc a gỽ+
neuthur ereiỻ o newyd. a|gos+
sot keitweit kedyrn ym·pob
porthua ygkylch ynys pryde+
in. a gỽneuthur cudyedic sych+
eu heyrn ar hyt kanaỽl temys.
a gossot y rei hynny ỽrth ga+
dỽyneu ỽrth dyỻu eu ỻogeu
y danunt o|r delynt yno. Ac o+
dyna y doeth kasswaỻaỽn a
hoỻ gedernyt yr ynys gan+
thaỽ. y gadỽ yr aruo˄rdir racdaỽ.
A Gỽedy daruot y ulkesar
gaffel pob peth yn bara+
ỽt kychwyn y|r mor a ỻuosso+
grỽyd ganthaỽ parth ac ynys
prydein a|oruc. A phan yttoed+
ynt yn dyuot ar hyt temys y
briwaỽd eu ỻogeu gan y sych+
eu kudyedic yn|y dỽfyr. ac y pe+
146
riglaỽd ỻawer onadunt yn
deissyfyt. a gỽedy gỽelet hynny
o·honunt. keissaỽ y tir a|oru+
gant yn angerdaỽl. A phan
weles kaswaỻaỽn hynny gỽe+
dy rodi arỽyd o|e gedymdeithy+
on. eu kyrchu yn diannot a|w+
naethant. a gỽrthỽynebu yn
wraỽl a|oruc gỽyr ruuein. kyt
ry diodefynt diruaỽr berigyl
ar y dỽfyr. a dodi eu gweỽyr
a|e gleỽder yn|ỻe mur y·ryg+
thunt a|r brytanyeit. ac yna
y gỽnaethpỽyt aeruaeu o|bop
parth. Ac eissoes kan mỽyaf
niuer y brytanyeit y kaỽssant
y vudugolyaeth gỽedy gỽa+
hanu gỽyr ruuein. a gỽedy gỽe+
let o vlkesar y dygỽydaỽ yn|y
rann vỽyaf a gỽaethaf o|r ym+
lad. ymchoelut y|r mor a|oruc
a chymryt y mor yn ỻe gofu+
net idaỽ. a chan wynt tymhes+
tlaỽl hỽylaỽ yny doethant
y draeth morian y|r tir. ac odyna
hyt yg|kasteỻ edna yr hỽnn a
wnathoed kynno|e vynet y ynys
brydein. rac ovyn goruot ar+
naỽ ymchoelut y freingk o|r
delei ar fo o ynys ˄prydein ual yd ˄ymcho+
elassei gynt. ac ỽrth hynny y
gỽnathoed ynteu y casteỻ
hỽnnỽ ar lann y|mor ual na
eỻit y ludyas y|r tir pan delei
y ar y mor. ~ ~ ~ ~ ~ ~ ~
| « p 36v | p 37v » |