Philadelphia MS. 8680 – page 57v
Brut y Brenhinoedd
57v
147
yn iwerdon yn ol gotmỽnt
brenhin yr affric a dathoed yno
a|ỻyghes uaỽr gantaỽ. ac a|o+
resgynassei y genedyl honno.
A|r|gotmỽnt|hỽnnỽ a|deuth
drỽy vrat y|saeson a|thrugein
mil a|chanmil o|wyr yr affric
gantaỽ hyt yn ynys prydein.
Ac yn yr amser hỽnnỽ yd oe+
dynt y saesson paganyeit yn|y
neiỻ|ran o|r ynys. Ac yn|yr rann
araỻ yd|oedynt y brytanyeit
a chiwtaỽtaỽl deruysc a|ryuel
y·ryngtunt yn wastat.
A gỽedy duunaỽ y saesson
a|r|gotmỽnt hỽnnỽ. ỽynt a
deuthant yghyt y ryuelu ar
geredic urenhin. A gỽedy
ỻawer o ymladeu ỽynt a|e
gyrrassant ef ar ffo o|dinas
pỽy gilyd. Ac o|r|diwed y gỽar+
chaessant ef yg|kaer uudei.
Ac yna y deuth hesembard
nei y lowys brenhin ffreinc.
Ac y gỽnaeth amot a gotmỽnt.
ymadaỽ a|e gristonogaeth o+
honaỽ hyt pan uei o ganhor*
148
gotmỽnt y gaỻei ynteu
oresgyn ffreinc ar|torr lowys
y ewythyr. Kanys ef a|dyw+
edei y mae ygkam y|ducsit
racdaỽ ef. Ac o|r|diwed gỽedy
caffel y dinas a|e|losci. kat ar ̷
uaes a|rodes gotmỽnt y ge+
red. A|e|gymheỻ ar|ffo drỽy
hafren hyt yg|kymry. Ac
yn|y ỻe anreithaỽ y gỽladoed
a|r|dinassoed. ac eu|ỻosgi.
Ac ny orffowyssaỽd hyt pan
daruu idaỽ hayach distriỽ
yr hoỻ ynys o|r mor py gilid.
a ỻad y meibon eiỻon a|r
offeireit a|r ysgolheigyon
a|r clefydeu ac a|r|fflameu yn
eu|ỻosgi. ac ueỻy eu|kywar+
sangu hyt y|daear. A|r hynn
a|dihagei onadunt ffo a|wne+
ynt y le y keffynt diogelỽch. ~
P Y beth a|wnaei segur
genedyl gywarsage+
dic o bnner*|gỽrthry+
myon bechodeu. yr|honn yn
wastat a|uydei arnei sechet*
| « p 57r | p 58r » |