NLW MS. Peniarth 4 (The White Book of Rhydderch, part 2) – page 38r
Peredur
38r
149
hỽnn. Mi nẏ weleis gristẏaỽn a|elei
a|e eneit gantaỽ namẏn ti. a nin ̷ ̷+
heu a aỽn ẏ ỽrha ẏ arthur ac ẏ gẏm ̷+
rẏt cret a|bedẏd. ac ẏna ẏ dẏwaỽt
peredur. diolchaf inheu ẏ|duỽ. na|thor ̷ ̷+
reis vẏ llỽ ỽrth ẏ wreic uỽẏhaf a
garaf na dẏwedỽn vn geir ỽrth
gristẏaỽn. Trigẏaỽ ẏno a|wnaeth ̷+
ant ẏ nos honno. Tranoeth ẏ bore
ẏd aeth ẏ gỽr llỽẏt a|e nifer gantaỽ
ẏ lẏs arthur. ac ẏ gỽrhaẏssant ẏ ar ̷+
thur. ac ẏ paranaỽd arthur eu be ̷+
dẏdẏaỽ. ac ẏ|dẏwaỽt ẏ gỽr llỽẏt
ẏ arthur pan yỽ peredur a|e goruuas ̷+
sei. ac arthur a rodes ẏ|r gỽr llỽẏt a|e
nifer ẏ|dẏffrẏn o|e gẏnhal ẏ·danaỽ
ef mal ẏd erchis peredur. a|chan ga ̷+
nhat arthur ẏ gỽr llỽẏt aeth ẏmdeith
tu a|r dẏffrẏn crỽn. Peredur ẏnteu
a|gerdaỽd ẏ bore tranoeth racdaỽ
talẏm maỽr o|diffeith heb gaffel
kẏfanhed. ac ẏn|ẏ diwed ef a|doeth
ẏ|gẏfanhed bẏchan amdlaỽt. ac
ẏno ẏ clẏwei bot sarff ẏn gorwed
ar vodrỽẏ eur. heb adel kẏfanhed
seith milltir o|pop parth idi. ac ẏd
aeth peredur lle ẏ clẏwei bot ẏ sarff.
ac ẏmlad a|wnaeth a|r sarff ẏn|lli ̷ ̷+
tẏaỽcdrut ffenedicvalch. ac ẏn|ẏ
diwed ẏ|lladaỽd. ac ẏ kẏmerth ẏ
uodrỽẏ idaỽ e|hun. ac uellẏ ẏ bu
ef ẏn hir ẏn ẏr agherdet hỽnnỽ
heb dẏwedut vn geir ỽrth neb
rẏỽ gristẏaỽn. ac hẏnẏ ẏttoed ẏn
colli ẏ liỽ a|e wed o tra hiraeth ẏn
ol llẏs arthur a|r wreic uỽẏhaf
150
a|garei a|e getẏmdeithon. Odẏna
ẏ kerdaỽd racdaỽ ẏ lẏs arthur.
ac ar ẏ fford ẏ|kẏfaruu ac ef teulu
arthur a|chei ẏn|ẏ blaen ẏn mẏ ̷ ̷+
net ẏ neges vdunt. Peredur a|atwa ̷+
enat paỽb o·nadunt. ac nẏt atwa ̷ ̷+
enat neb o|r teulu efo. Pan doẏ ti
vnben heb·ẏ kei. a|dỽẏ weith a|their
ac nẏt attebei ef. ẏ wan a|oruc kei
a|gỽaẏỽ trỽẏ ẏ vordỽẏt. a rac kẏm+
ell arnaỽ dẏwedut a|thorri ẏ gret.
mẏnet heibaỽ a|oruc heb ẏmdiala
ac ef. ac ẏna ẏ|dẏwaỽt gỽalchmei.
ẏrof|i a|duỽ gei drỽc ẏ medreist kẏf ̷ ̷+
lauanu ar vaccỽẏ val hỽn ẏr na
allei dẏwedut. ac ẏm·hoelut tra ̷
e|gefẏn ẏ lẏs arthur. arglỽẏdes
heb ef ỽrth wenhỽẏfar a|weldẏ
drẏccet ẏ gẏflafan a|oruc kei ar
ẏ maccỽẏ hỽnn ẏr na allei dẏwe ̷+
dut. ac ẏr duỽ ac ẏrof|i par ẏ vede ̷+
ginẏaethu erbẏn vẏn dẏfot tra ̷+
chefẏn. a mi a talaf ẏ bỽẏth it. a
chẏn dẏuot ẏ|gỽẏr oc eu neges; ef
a deuth marchaỽc ẏ|r weirglaỽd
ẏ emẏl llẏs arthur ẏ erchi gỽr ẏ
ẏmwan. a hẏnnẏ a|gafas. a bỽrỽ
hỽnnỽ a|waeth*. ac ỽẏthnos ẏ bu ẏn
bỽrỽ marchaỽc beunẏd. a|diwarna+
ỽt ẏd oed arthur a|e teulu ẏn dẏfot
ẏ|r eglỽẏs. Sef ẏ gỽelẏnt ẏ march+
aỽc gỽedẏ drẏchafel arỽẏd ẏmwan
Ha|wẏr heb·ẏr arthur mẏn gỽrhẏt
gỽẏr nẏt af odẏma hẏnẏ gaffỽẏf
vẏ march a|m harueu ẏ|uỽrỽ ẏ iag ̷+
hỽr racco. Ẏna ẏd aeth gỽeisson ẏn
| « p 37v | p 38v » |