Breudwd Welsh Prose 1300-1425
Cymraeg

NLW MS. Peniarth 19 – page 38v

Brut y Brenhinoedd

38v

151

kanys o|r|deuaỽt honn yd arue+
rant y rei marwaỽl gỽedy ir+
ỻoned kymot ar|dagnefed. a
gỽedy ffo ymchoelut ar vudu+
A |Gỽedy edrych o [ golyaeth.
ulkesar y ỻythyr hỽnnỽ.
Sef a|gafas o|gyghor y wyrda
nat elynt y ynys brydein yr
geireu y tywyssaỽc hỽnnỽ o+
ny delei wystlon dilis a|eỻit eu
credu. A gỽedy datkanu hynny
y auarỽy yn|diannot yd anuo+
nes kynan y vab a deg|wystyl
ar|hugeint o dylyedogyon y
kyuoeth y·gyt ac ef. A gỽedy
dyuot y gỽystlon. kychỽyn a|oruc
ulkesar y|r mor a|r ỻu mỽyaf
a|gafas a dyuot y dofyr y|r tir.
A phan gigleu kaswaỻan hyn+
ny yd oed yn ymlad a ỻunde+
in. ac ymadaỽ a|oruc a|r dinas
a bryssyaỽ yn erbyn yr amhe+
raỽdyr a|e lu. ac ual yd oed yn
dyuot parth a cheint. nachaf
wyr ruuein yn pebyỻaỽ yn|y
ỻe hỽnnỽ. kanys auarỽy a|e
dugassei ỽynt hyt yno ỽrth
dỽyn kyrch deissyfyt am benn
kasswaỻaỽn y oỻỽg y gaer y
ganthaỽ. A phan wyl gỽyr ru+
uein y brytanyeit yn|dyuot
attunt. gỽisgaỽ eu harueu
a|wnaethant a chyweiryaỽ eu
bydinoed. a|r brytanyeit o|r parth
araỻ a ymlunyaethassant yn

152

vydinoed. Ac yna y kymerth a+
varỽy uab ỻud pymtheg|mil o
varchogyon aruaỽc ygyt ac ef.
ac eu dỽyn y lỽyn coet a|oed
yn agos a|oruc. Mal y gaỻei o+
dyno dỽyn kyrch di·rybud am
benn kasswallaỽn a|e gedymde+
ithyon. a gỽedy daruot ỻuny+
aethu y bydinoed yna y gỽna+
ethpỽyt aerua greulaỽn o
bop parth. ac o bop parth y
dygỽydynt yn ỻadedic. mal y
dygỽydei deil gan wynt hydref.
ac ual yd oedynt yn yr ymfust
hỽnnỽ veỻy kyrchu a|oruc a+
uarỽy a|e uarchogyon gan+
thaỽ o|r ỻỽyn bydin gaswaỻa+
ỽn o|r tu drachefyn. a|r bydin
honno a|oed anreithedic o|r
parth araỻ gan ruthyr gỽyr
ruuein. Ac yna rac kywarsage+
digaeth y kiwdawtwyr e|hun nẏ
aỻaỽd sefyỻ y·rygthunt. ac
ỽrth hynny yd oedynt warsage+
digyon y gedymdeithyon adaỽ
y maes a|oruc kaswaỻaỽn a|fo.
Ac yn agos udunt yd oed my+
nyd karegaỽc. ac ym·penn y
mynyd yd oed ỻỽyn coet teỽ dy+
rys. ac yno y foes kaswaỻaỽn.
A gỽedy y dygỽydaỽ yn y rann
waethaf o|r ymlad a chaffel penn
y mynyd a|e oruchelder. gỽrthỽ+
ynebu yn wraỽl y eu gelynyon
a|oed yn eu hymlit gan geissaỽ