Breudwd Welsh Prose 1300-1425
Cymraeg

NLW MS. Peniarth 5 (The White Book of Rhydderch, part 1) – page 98r

Ystoria Carolo Magno: Pererindod Siarlymaen

98r

155

o|byd didial nac euo nac vn o|r
freinc. Gowenu a|oruc charly+
maen yna. ac ymdiret yn|duỽ
a|dyỽedut. ac ny barnaf ynhev
vot yn vadeuedic idaỽ ef yr vn.
Y|dyd a hỽnnỽ a treỽlỽys y fre+
inc yn lleỽenyd. a digrifỽch.
a chỽaryev. ac ny omedit ỽy
yn|y llys o dim o|r a erchynt. ac
o|r a debyckit y|vynnv ohonunt.
a phan doeth y|nos ef a ducpỽyt
y|vorỽyn at oliuer y|r ystauell.
A phan ỽeles y|vorỽyn Oliuer.
y|gofynnỽys idaỽ. a vnbenn bon+
hedic heb hi. ae y lethu mory+
ynon o|th ormod ỽaryev y deu+
thost|i yma. Vyg|karedic heb ef
na vit ofyn arnat. o chredy di
ymi ys mỽy o leỽenyd a digri+
uỽch a vac vyg gỽaryev i yti
noc o dristit. a gorỽed ygyt a
orugant. ac ym·garu a|r vorỽy+
yn yn serchaỽc a oruc. a hynny
heb ne·maỽr gohir. ef a gytty+
aỽd a|hi bymthegỽyeith*. a|r
vorỽyn a vlinaỽd yn vaỽr. ac
a|ỽediaỽd oliuer arbet idi rac
mor ieuanc oed. a gỽannet y
hannyan. a|thygu idaỽ o|r cỽp  ̷+
laei y rif a edeỽis y byd* varỽ hi
yn diannot. ac yna y dyỽat
Oliuer. o|thygy di heb ef cỽp+
lav ohonaf|i y riuedi a edeỽis.
mi a arbedaf it ỽrth dy eỽyllys.
Y chret a|rodes y|vorỽyn idaỽ ar
tygu ohonei trannoeth ger

156

bronn hu. ac yntev a arbedaỽd
idi. ac nyt aeth y|nos honno
dros vgein weith. a phan dỽyr  ̷+
ỽys y dyd drannoeth. y doeth
hu y drỽs yr ystauell a gofyn
a gỽplaassei y riuedi a dyỽedas+
sei. do ys gỽir arglỽyd heb hi.
gan a·chỽannec. Y brenhin yna
trỽy y lit a dyỽat vot yn tebic
gantaỽ. y|mae trỽy gyuarỽyd+
on y gỽnaethoed ef hynny.
a dyỽedut. cam a ỽneuthum inhev
llettyv hvdolyon. A mynet a or+
uc hyt at charlymaen y lle yd
oed yn eisted yn|y neuad. a|e ỽyr+
da yn|y gylch. a|dyỽedut ỽrthaỽ
val hynn. Charlymaen heb ef
y|mae y gỽare kyntaf yn dan+
gos dy vot ti yn hudaỽl. a mi
a vynnaf etỽa ethol arall.
Yn llaỽen heb·y charlymaen e+
thol yr vn a vynnych. Byrryet
Wiliam o orreins y bel hayarnn
val y hedeỽis. ac o diffyc dim o|e
deỽit*. ny dyffic vyg|kledyf|i o|m
dehev i yn ych llad chỽi. Gỽil+
lym o orreins a vyrryỽys y van+
tell y ỽrthaỽ yn diannot. ac a
derchauaỽd y bel hayarnn val
y hedeỽis o|e laỽn nerth dyrn+
naỽt ar|y gaer yny vu kant
kyuelyn ar|y gaer trỽydi y|r
llaỽr. llityaỽ a oruc hu yn va+
ỽr am hynny yn vỽy no meint.
a|dyỽedut ỽrth y|ỽyrda. nyt te  ̷+
bic a|ỽelaf|i ỽyrda heb ef y|hỽary.