NLW MS. Peniarth 19 – page 39v
Brut y Brenhinoedd
39v
155
sarhaet a|wnaeth ymi. pan
yttiỽ yn gỽediaỽ vyn|trugared
i. a|chychwyn a|oruc auarỽy a
dyuot ar vrys hyt y ỻe yd oed
ulkesar a|dygỽydaỽ yn darostyg+
edic rac y vronn ef gan dywe+
dut ỽrthaỽ yr ymadraỽd hỽnn.
ỻyma weithyon amlỽc yỽ bot
yn digaỽn y dieleist di dy lit ar
gasswaỻaỽn. Gỽna weithyon
drugared ac ef. beth a vynny
di y ganthaỽ ef amgen noc
ufudhau a darostygedigaeth
a thalu teyrnget y ruueinyaỽl
deilygdaỽt o ynys prydein. A
gỽedy na rodes ulkesar atteb i+
daỽ y dywaỽt auarỽy ỽrthaỽ
ual hynn. Tydi ulkesar. hynn
a|dywedeis i ytti gỽedy goruyd+
ut ar gaswaỻaỽn. darostygedi+
gaeth a theyrnget o ynys bry+
dein. ỻyma gasswaỻaỽn gỽedy
goruot arnaỽ. ỻyma ynys
brydein yn darostygedic ytti
drỽy vy nerth i. a|m kanhorth+
ỽy beth a|dylyaf|i y wneuthur
ymlaen hynn ytti. Nyt ef a|w+
nel creaỽdyr nef a daear diodef
ohonaf|i carcharu kaswaỻaỽn
vy arglỽyd. ac ynteu yn gỽne+
uthur ymi am y sarhaet a|w+
nathoed ym. Ednebyd di ul+
kesar nat haỽd ỻad kaswaỻaỽn
a myui yn vyỽ. y gỽr nyt kew+
ilyd gennyf rodi vy nerth idaỽ
156
o·ny bydy di ỽrth vyg|kyghor i.
Ac yna rac ovyn auarỽy aryf+
hau a|oruc ulkesar a thagnefed
a chaswaỻ. a chymryt teyrnget
o ynys brydein bob blỽydyn y
ganthaỽ. Sef oed meint y deyrn+
get teir|mil o bunoed aryant
ỻoegyr. Ac yna yd aethant yn
gedymdeithyon ulkesar a chas+
waỻaỽn uab beli. ac y rodes
pob un y gilyd rodyon maỽr o
eur ac aryant a|thlysseu arben+
nic. ac y bu ulkesar y gaeaf
hỽnnỽ yn ynys brydein. a|phan
dechreuaỽd y gỽanhỽyn dyuot
y kychwynnaỽd parth a freingk
Ac ym·penn yspeit o amser
kynuỻaỽ ỻu maỽr a|oruc ul+
kesar. ac a|r ỻu hỽnnỽ yd aeth
parth a ruuein yn erbyn pom+
peius y gỽr a|oed yn ỻe amher+
aỽdyr yn yr amser hỽnnỽ yn|daly
yn|y erbyn ynteu. a|channy
pherthyn ar yn defnyd ni tra ̷+
ethu o weithredoed gỽyr ruuein
yny vo ebryfegedic y rei hynny
ymchoelỽn ni ar yn traethaỽt
ny hunein. Ac ym·pen y seith
mlyned gỽedy mynet ulkesar
o ynys brydein y bu uarỽ kasỽ+
aỻaỽn uab beli ac y cladỽyt yg
kaer efraỽc gan vrenhinaỽl
A C yn ol kasw +[ arỽylant
aỻaỽn y gỽnaethpỽyt te+
neuan uab ỻyr yn vrenhin. ka+
nys
| « p 39r | p 40r » |