Breudwd Welsh Prose 1300-1425
Cymraeg

Philadelphia MS. 8680 – page 61v

Brut y Brenhinoedd

61v

163

ffydlonder ỽrth neb. Ac ỽrth
hynny Jaỽnach a dylyedussach
oed eu kywarsagu ac eu|dares+
tỽng y genhym ni noc eu
hardyrchauel. Kanys pan et+
teỻis gỽrtheyrn ỽynt yn gyn+
taf megys y ymlad dros y
wlat. Ac eissoes pan aỻassant
ỽy gyntaf talu drỽc dros da
ỽynt a|e dangossassant eu
tỽyỻ ac eu brat. ac a|ladas+
sant an kenedyl o dywal
aerua. Eilweith ỽynt a
vredychassant emrys wledic
ac uthur benndragon. ỽynt
a uredychassant arthur
pan duunassant a medraỽt.
Ac o|r diwed ỽynt a|ducsant
gotmỽnt am benn keredic
ac a|e deholassant. ac a|ducsant
y wlat rac y dylyedogyon. ~
A Gỽedy dywedut o vreint
hir yr ymadrodyon
hynny. ediuar uu gan gat+
waỻaỽn dechreu gỽneuthur
yr amot hỽnnỽ. a gorchym+
mun menegi y etwin na

164

cytsynyei y gyghorwyr ac
ef. Ac na edynt idaỽ ganha+
du yr hynn yd|oed yn|y erchi.
kanys yn erbyn deuaỽt a
gossotedigaeth yr hen wyrda
yr y dechreu na|dylyit rannu
yr ynys ỽrth dỽy goron. 
Ac ỽrth hynny sorri a|oruc
etwin. ac adaỽ y dadleu a
mynet y yscotlont. a|dywet+
ut y gỽisgei goron heb ofyn
kennat y gadwaỻaỽn. a gỽe+
dy menegi hynny y gatwa+
ỻaỽn. Ynteu a|anuones att
etwin y uenegi idaỽ o|r gỽisgei
ef goron yn ynys prydein. y
ỻadei ynteu y benn ef dan
A  Gỽedy bot [ y goron. ~
y teruysc ueỻy y·rydunt
ỽyn a ymgyfaruuant eỻ
deu y parth draỽ y|humur.
A gỽedy dechreu y vrỽydyr
kadwaỻaỽn a goỻes ỻaỽer
o uilyoed o wyr a|e gymeỻ yn+
teu ar ffo. Ac yna y kym+
erth ynteu y hynt drỽy yr
alban parth ac iwerdon. a