NLW MS. 20143A – page 42r
Llyfr Blegywryd
42r
163
oll ẏ|r brenhin. a|chẏnheu.
tan teir nos a|thri·dieu
Deu daỽnbỽẏt a|dẏlẏ ̷
ẏ|brenhin ẏ|gaffel ẏn|ẏ
vlỽẏdẏn ẏ gan ẏ vilae ̷ ̷+
eneit. Messur hẏn ẏỽ;
hỽch triuẏssic ẏn|ẏ hẏsc+
ỽẏdeu. ac ẏn|ẏ heis. ac
ẏn|ẏ chlunẏeu. a|hanhe+
rob. o|gic hallt a|thri.
vgein torth o vra* gỽe ̷ ̷+
nith. ẏ|whech ohonunt.
ẏn peilleit. pedeir ohon+
unt ẏ|r neuad. a dỽẏ ẏ|r
ẏstauell. o|r tẏf gỽenith
ẏno. ac onẏ tẏf bint ge+
irch. ˄ ac ẏ bara a|r whech ẏn
rẏnnẏon. ẏ|r neuad ac
ẏ|r ẏstauell. kẏflet pob
torth. ac o elin hẏt ardỽrn
164
kẏ dewhet ac na flẏga+
nt. pan dalẏher. herwẏd
eu hẏmẏl. neu ẏnteu
kẏn dewhet a|deu vẏs
ac o vragaỽt kẏmeint
a|cherỽẏneit gỽrỽf. ac
vgeint ẏscỽb o|geirch
vn rỽẏm a|cheinhaỽc.
ẏ|r gỽassanaethwẏr.
vellẏ ẏ|telir o vilaen·tref
ẏn|ẏ gaẏaf ac onẏ cheffir
hỽch Risgen emenẏn a
telir drostaỽ teir dẏrn ̷ ̷+
ued. o|let a|their dẏrn ̷ ̷+
ued. tewhet heb voel.
whech daỽn·bỽẏt a|cher+
ỽẏneit gỽrỽf o naỽ rẏw+
ant. ar ỽẏr o|galan ga+
ẏaf. hẏt galan mei.
Messur daỽnbỽẏt ẏỽ
| « p 41v | p 42v » |